Luka 8:12 - O Mikanda Ikola

¹² Oso ala ku mbanduʼ a njila, ene évua, kindala kuiza diabhu u katula maka mu miẋima iâ, phala a lémbue kuxikana ni kubhuluka.

Luka 8:12 ပူးပေါင်းရင်းမြစ်များ

Jisabhu 1:29

Mbata ene o kuijiia a dizemba na-ku; a di tunu kusola o uoma ua Jihova.

Jisabhu 4:5

Sota unjimu, sota ku tongoloka, o maka-phe ma tunda mu kanu diami ku a jimbe mba u a ta dikunda.

Izaía 65:11

Maji enu-phe, mua mu batuka kua Jihova, mua mu landuka o mulundu uami ukôla, enu mua kuata o kuzala o meza phala Kilundu-kia-jimbongo ni kulungisa maluvu phala Mamunu;

Matesu 13:19

kʼivua muthu uoso o maka ma Utuminu ua Nzambi, anga u tokoka ku a ejiia, bhenhobho Dimonho diza di sumbununa ioso ia kuuile mu muẋima uê. Muenhú a mu kuua bhu mbanduʼ a njila.

Matesu 13:4

O kia kala mu ku kuua, jimbutu jamukuá ja sonokena bhu mbanduʼa njila, o jinjila anga jiza ji ji moma.

Marku 4:15

Oso-phe a a kuua bhu mbanduʼa njila, enhá, kia zubha kuívua maka, kithanganʼokio Satana uiza, u katula o maka oso a kuuile ku miẋima ia.

Luka 8:11

Obhenu kifika kiòjimbulule: O mbutu iene o maka ma Nzambi.

Luka 8:13

Oso ala ku thanduʼ a matadi, ene, ki évua o maka, a ma tambulula kiambote; ene-phe kuma a kambe jindanji, a xikana ngó kathangana, o bhu kumbi dia phaxi, a lémbua-ku kiá.

Luka 8:5

Mukuni a jimbutu ua tundile mu ku kuua mbutu iê. O kia kala mú kuua, iamukuá ia sonoka bhu mbanduʼa njila; anga a i diota kuala athu, anga a i moma kuala o jinjila ja diulu.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.