Luka 8:1 - O Mikanda Ikola

¹ Kubhanga izuua, Jezú u kala mú nhunga ku jimbanza ni ku jisanzala, mu ku boka ni kutula o Njimbu Iambote ia Utuminu ua Nzambi. O kuinhi dia xibulu ni kiiadi anga a kala-nê kumoxi.

Luka 8:1 ပူးပေါင်းရင်းမြစ်များ

Matesu 11:1

Anga ki bhita, kia zubha Jezú kutuma kuinhi dia xibulu jê ni kiiadi, u katuka bhua kexile, hé uia mu kulonga ni kuta maka ku mabhata-mâ.

Matesu 13:19

kʼivua muthu uoso o maka ma Utuminu ua Nzambi, anga u tokoka ku a ejiia, bhenhobho Dimonho diza di sumbununa ioso ia kuuile mu muẋima uê. Muenhú a mu kuua bhu mbanduʼ a njila.

Matesu 4:23

Jezu anga u nhunga Ngalileia ioso ni kulonga mu malombe mâ, ni kuta Maka ma utuminu ua Nzambi, ni ku saka jihaxi ni inema muʼ axaxi ka mundu.

Matesu 9:35

Jezú anga u nhunga mu jimbonge joso ni mu jisanzala, ni kulonga mu malombe, ni kuta Maka ma Utuminu uê, ni kusaka jihaxi joso ku makukata mâ ni ku mauhaxi mâ moso.

Marku 1:39

Anga uia ku Ngalileia ioso ni kutanga maka ma Njimbu Iambote mu malombe má, ni kutundisa o madimonho.

Luka 1:80

Anga o kamona kenda ni kukula, ni kukola mu mukutu ni nzumbi. Anga ka kala mu solongo dia muxitu, katé kizuua kiê kia kutukuluka mu Izalaiele.

Luka 20:1

Kizuua kia mukuá mu izuua muenhomo, kioso ki ala Jezú mù longa athu mu Tembulu, ni ku a tangela o Njimbu Iambote, makota ma jinganga ma tukulukila-bhu ni jimesene ja kulonga o kitumu, ni adiakime ku mundu.

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Luka 9:6

Ene anga a katuka, a bhita ku mabhata moso ni kuboka o Njimbu Iambote, ni kusaka o jihaxi ku jimbandu joso.

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Jipoxolo 13:32

Etu-phe tueza ku mi bhana Jingolokela Jambote, kuma o kizuelu kia bhele ku jitata,

Loma 10:15

O Njimbu a ivua kiebhi kua kambe o akunji a i tula? A i tula-phe kiebhi, a kambe o ku a tuma? Kala kia ki soneka mu Mikanda Ikôla, exi: O uijilu uâ kuuabha kuahi, ió eza mù bhana jingolokela ja Njimbu Iambote!