Luka 7:8 - O Mikanda Ikola

⁸ Mukonda eme uami ngi muthu a ngi tumina, eme ue ngi tumina o masoladi mami. Iú nga mu idi: Ndé, uia; o iú nga mu idi: Zá, uiza; Mubhikʼami nga mu idi: Bhanga kiki, u ki bhanga.

Luka 7:8 ပူးပေါင်းရင်းမြစ်များ

Luka 7:7

Kiene ue ki nga kambela ku diendela, ni ngi ku tukulukila. Eie-phe né ua te ngó kizuelu kimoxi, mubhikʼ ami uilukʼê.

Luka 7:9

Jezú kievu makʼama, ua mu diuana, anga u sakukila o kifuẋi kia mu kaiela, uixi: Ngi mi ambela kidi, kiluua ngi sanga kuxikana kuavulu kiki, né mu Izalaiele!

Jipoxolo 23:17

Phaulu anga uixana Kabhitangu kamoxi, u mu ambela, uixi: Munzangala iú mu bheke kua Komanande, a mu kunde tumaka.

Jipoxolo 23:23

Komanande anga uixana Kabhitangu jiiadi, uixi: Polondalenu hama jiiadi ja masoladi aia ku Sezaleia, ni makuinhi sambuadi a muthu, akua kumondala o jikabalu, ni akua jisosa, a kala hâma jiiadi, phala a katuke mu ola ia kavua ia usuku.

Jipoxolo 23:26

Eme Kalaudio Lizio, nga tumu kumenekena eselênsia diê nguvulu Fele.

Jipoxolo 23:31

Masoladi anga a bhanga kioso kia a tumu. A katula Phaulu hé a mu bheka ni usuku katé ku mbonge ia Andipatile.

Jipoxolo 24:23

Anga muene u tuma Kabhitangu kuila a te muthu phala a tambule konda ia Phaulu. Maji o upelezo uê u kale uofele, makamba mê ka a fudise ku mu dikila.

Jipoxolo 25:26

Maji katé kiki, ki ngala-phe ni kima kia jimbuluka kia kusonekena ngana iami. Kiene lelu ki nga mu katuila bhu pholo ienu, kota dingi bhu pholo ié u sobha Ngilipa, phala ki tu zubha o ku mu ivua, ngʼ ijiie kioso ki ngi soneka.

Kolose 3:22

Enu abhika, tumakenu oso jingana jenu mu xitu. Kana kukumbidila ngó ku mesu mu ku di uabhesa ku athu, kioso ene ki a kala mu ku mi talesa, mbé a tene ku mi uabhela, maji kota kukumbidila ni ufiiele ua muẋima ku uôma ua Ngana.