Luka 7:46 - O Mikanda Ikola

⁴⁶ Eie ku ngi uaie mútue ni maji. Muène-phe ua ngi uaie inama ni nguendu.

Luka 7:46 ပူးပေါင်းရင်းမြစ်များ

II Samuuele 12:20

Behnhobho Davidi u balumuka bhoxi, u di sukula, u di uesa maji, u di ta izuatu iengi; anga u bokona mʼonzo ia Jihova, u samba; o kia zubha kubhanga kiki kiene kia bokona kiua mʼonzo iê muene, o kia bhingi, a mu tela kúdia, anga u dia.

II Samuuele 14:2

Jouabe anga u tuma ku Tekoua, u takana-ku muhatu mukua kilunji, anga u mu ambela, uixi: Nga ku diondo, u di bhangesa kala muthu ku muẋima kua mu bolo, uala mu dila dikokolo; u di ta izuatu ia luto, kana ku di uesa maji, u kala muene kala muthu ua bhange thembu iavulu ku luto mu dila difundu.

Jisálamu 104:15

ni vinhu phala muẋima ua muthu u sanguluke, ni maji phala pholo iê i lelame, ni musa phala a kale ni nguzu mu mukutu.

Jisálamu 23:5

Eie u ngi bhangela meza ku pholo, bhu mesu muene a jinguma jami; u ngi uaia o mútue ni maji; nganza iami iezala, ia ẋamuka.

Ndongixi 9:8

O izuatu ié izele jinge mu thembu joso, o mu mútue ué nuka mu kamba maji ma dizumba di nuha kiambote.

Daniiele 10:3

Ki nga kexe kúdia makudia ma ngi tula ku muẋima, ni xitu ni vinhu ue mu kanu diami ki ia bokona-mu, né ngó ku di uaia ni maji. Anga ngi kala kienhiki katé ki nga tenesa jisemana jitatu.

Amoji 6:6

O vinhu mu i nuina mu jikopho ja makota; o mu ku di uaia kuenu ki kale ngó ni maji a te kitadi kiavulu; maji mua lémbua ku kala ni dilamba dia kusenguluka kua Zuze!

Mikeia 6:15

Ku mábhia ua kà kuna muene, maji kua kà muna-ku kima; ua kà vuka maji, maji o a kudiuaia-phe kua kà a mona; ua kà kâma vinhu, maji ua kà lémbua-phe o vinhu ia kúnua.

Matesu 6:17

Eie-phe ki u jila, di uese mútue, u di sukule mu pholo,

Luka 7:47

Uila kiki, nga ku ambela: Muène ua zolo kiavulu, kuma ituxi iê, sumbala iavulu, iòloloke kiá. Maji o uoso-phe a mu loloka kiatolo, u zola ue kiatolo.

Lute 3:3

Kiki-phe, eie dʼiẋike, u di uese maji a dizumba, u zuate o izuatu ié iamboteʼoio, uie bhu kienda kia kuvundila; muene-phe eie ku mu bhite luua ku mesu nʼa ku mono, katé kia kà zubha kúdia ni kúnua.