Luka 7:37 - O Mikanda Ikola

³⁷ Anga bhu kala muhatu, mukua bhata bhenhobho, mukua-ituxi. O kievu kuma Jezú ua xikama mu kúdia mʼonzo ia falizeu, ueza ni kitutu kia lubaxu kiezala nguendu ia uabha dizumba,

Luka 7:37 ပူးပေါင်းရင်းမြစ်များ

Matesu 21:31

Ku kiiadʼiki uebhi ua bhange o vondadi ia tatʼâ? Kuala ene: O dikota. Jezú uixi: Ni kidi kiene, ngi mi ambela, kuma akua kutambula lubhaku ni idianzunga ala ku mi tuamenena kubokona mu Utuminu ua Nzambi.

Luka 18:13

O mukua kutambula lubhaku-phe, uemana dikanga, ka bhumina kuzambula mesu ku diulu, maji u di bunda bhu thulu, uixi: Nzambi, ngi kuatele henda, eme ngi mukua ituxi.

Luka 19:7

Ene oso-phe kia ki mono, a kala mù fueta-fueta, exi: Ialʼú uaii mù di langeka mʼ onzo ia mukua ituxi!

Luka 5:30

Bhenhobho, jifalizeu-phe ni asoneki a mu longolola, hé ambela jixibulu jê exi: Phala-hi muia mu kúdia ni kúnua kumoxi ni akua kutambula o lubhaku ni akua ituxi?

Luka 5:32

Eme ki ngeza mú kuixana athu aiuka, ngeza mú kuixana akua-ituxi, nʼa diele ituxi iâ.

Luka 7:34

Monʼ a Muthu ueza, muthu ua kúdia, muthu ua kúnua, exi-phe: Talesenu o laluvi, hôlua, kamba dia akua kutambula lubhaku ni akuʼetuxi!

Luka 7:36

Falizeu imoxi anga u bhinga Jezú kúdia ni muène. Jezú anga u bokona mʼonzo ia falizeu, u xikama ku meza.

Nzuá 11:2

(Madiia muène ua tele Ngana o maji ma dizumba, anga u mu kondona inama ni kindemba kiê; muene ue uavu phangʼ iê Lázalu uala mù kata.)

Nzuá 9:24

Bhenhobho jifalizeu jʼixana lua kaiadi o muthu ua kexile kifofo, anga a mu ambela, exi: Fumanesa Nzambi. Etu tuejiia kuma muthu ió mukua-ituxi.

Nzuá 9:31

Tuejiia kuma Nzambi kene mu kuívua mukua-ituxi. Maji se muthu-phe u kala mubhezi a Nzambi, hé u bhanga vondadi iê, muenhó Nzambi u mu ívua.

Loma 5:8

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

I Timote 1:15

O ulongelu iú uene ua kidi, ua tokala ku u xikana ni ku u tambulula ni muẋima uoso, kuila: Jezú Kristu uejile mu ngongo mu kubhulula akua ituxi. O ku akua ituxi oso eme ngi kota,

I Timote 1:9

Mukonda kima kiambote ue o kuijiia kuma o Kitumu ka ki bhangela muthu uaiuka, maji a ki bhangela athu a baluka, a xibhaka, athu a kambe kuijiia Nzambi, akua ituxi, athu ka moneka kima kià bheza, ima ia nzumbi a i tokoka. A ki bhangela phala ió a jibha tatʼâ ni mamʼâ, o ijibhanganga,

I Phetele 4:18

Kala kiambe o Mikanda Ikôla, iexi: O ku muiuki se kia bhonzo o kubhuluka, o ku muthu ua bhumu, ni mukua ituxi, kia kà kala kiebhi?