Ko kué Ngana, ko kué èlele, ku nga tondala, nga bhange kiaiibha muene ku mesu mé; eie bhenhobho u kala ni kidi kié mu zuela; u lungé muene ki u ngʼêlesa.
Eme ngi mi ambela kuma: Mu ʼaxaxi ka athu a a vuala ku ahatu, ki mu moneka muthu ua tundu Nzuá. Hanji-phe, uoso ua tolo mu Utuminu ua Nzambi, uala kota, o Nzuá ndenge.
Muene ua di longo kiá kiavulu o Njila ia Ngana, mu kuzuela u fulujuka mu nzumbi, anga u tanga, u longa ni uhete o imbamba ia Jezú, maji uejiia ngó o batizu ia Nzuá.
Edi ni kukamba kuijiia o kulunga kua Nzambi kuijiia mu kuxikana, ni kubhindamanea o ku di lungisa mu kidifua kiâ ene, iá a ditunu kubelesela o kidifua ki bhangesa Nzambi kuẋikina muthu ni, ku mu lungisa.
Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!
Adoni-bezeke anga u zuela, uixi: Makuinhi sambuadi a sobha a kumbuka milembu ia ikota ia maku ni ia inama, a kexi mu nona jisesekenha mʼoxi a meza ami; kioso ki nga bhangele eme, Nzambi ua ngi futu-kiu. Anga a mu bheka mu Jeluzaleme, hé u fuila momo.