26 Enu ihi-phe i muele kutalesa? Polofeta? Eué, eme ngi mi ambela kuila, muène ua tundu polofeta.
Eie-phe kamona, a-nda ku kuixana Polofeta ia Nzambi ia Diulu. Kuma ua kà tuamenena bhu pholo ia Ngana mu ku mu iudikila jinjila jê;
O Kitumu kia Mozé ni ulongelu ua jipolofeta, ua kexile kate kieza Nzuá dia Batizu. Tunde kiókio-phe o Njimbu Iambote ia Utuminu ua Nzambi ala ku i kola; kala muthu-phe kikale u ta nguzu phala kubokona-mu.
Se tuila tuexi: Athu a mu bhele o ukota ua ku batizala, o mundu iú a tu ta matadi; mukonda ene a xikana kuma Nzuá polofeta.
Ihi-phe i muele kutalesa? Muthu ua zuata izuatu ia matunda? Athu-phe a zuata ima ia matunda, a kembela itadi, u a sanga mu ji palaxu ja enexi.
Kuma Nzuá a mu soneka kiki, exi: Talesa, ngi tuma Mukunji uami bhu pholo ié, u ku tuamenena mu kuidika o njila.
Nzuá ua kexile mukuâ ni kandeia ka uama, ka muika; enu-phe kia mi uabhelele kusanguluka kathangana mu mukengeji uê.