Luka 7:22 - O Mikanda Ikola

²² Anga u vutuila iá, uixi: Ndenu, kà tangedienu Nzuá, ima i mua mono, i muevu; ifôfo íi mona, inema íi ienda, akua-kikunzu ia a disanza, mixilu íi ívua, afuile ia a fukunuka, jingadiama ia évua o Njimbu Iambote.

Luka 7:22 ပူးပေါင်းရင်းမြစ်များ

Jobe 29:15

Eme nga di bhangele eme kiá ngi diesu dia kifofo, ngi kinama kia kinema u tenguna.

Jisálamu 146:8

Jihova u jikula o mesu a ifofo; Jihova u bhetula ió a zeka bhoxi; Jihova u zola ió aiuka.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 43:8

Ngi bhekedienu o mundu ua ifofo, maji ala ni mesu; ngi bhekedienu o mixilu, maji ala ni mátui.

Jelemiia 31:8

Tala, kuma ngʼiza-nâ tundé ku ixi ia ku suku, nga-nda kua bhongolola muene tundé kua suku oxi; ngʼiza-nâ kumoxi ni ifofo ni inema, ni ahatu emita, kumoxi ni iá a mu bhanduluka a kala kifuxi kia dikota, kia-nda kuvutuka bhabha.

Sofoniia 3:12

Nga ka xisa muʼaxaxi kê ió oso a di tululula, ka moneka izala mba ukumbu, o jingadiama; ene a kà kala jinga thembu joso mu dielela o dijina dia Jihova.

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 21:14

O ifuôfo ni inema anga i mu sanga mu Tembulu, muène anga ua a saka.

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Luka 7:21

Kumbi dienhódio Jezú u saka mauhaxi mavulu, ni mabhebhu ni nzumbi jaiibha; avulu afu mesu u a bhana o kumona.

Luka 7:23

Ua zediua-phe uoso ka di bhukana ku thandu diami eme.

Nzuá 1:46

Kuala Natanaiele: Ku Nazalé, ku tena ue kutunda kima kiambote? Felipe ua mu vutuila, uixi: Zá, u tale.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Jipoxolo 8:7

Kuma ku kala athu avulu o nzumbi jaiibha jala na-ju ji tunda ni ku di kola; avulu a kate kila, ni iá a nemana, anga a disanza.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.