19 Nzuá anga uixana kiiadi ku jixibulu jê, u a tuma kua Ngana ku mu ibhudisa, kuila: Eiʼmuène iuná a mu tanga-jinga o kuiza, inga tu kinga muthu uengi?
Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.
Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.
Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.
Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.
Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.
Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.
Anga u ixana o kuinhi dia xibulu ni kiiadi, u kuata ku a tuma ku ukunji mu kiiadi-kiiadi, ni ku a bhana o kutena kua ku kaia ni kutumina jinzumbi jaxidi.
Kia bhiti ima iíi, ku izuua, Ngana u sola dingi makuinhi sambuadi a xibulu ni kiiadi jamukuá, anga u a katula kiiadi-kiiadi, ni a mu tuamenene ku jisanzala joso ni ididi kuoso kua-nda kuia muène.
Kizuuʼiki, Jezú u kala kididi mù samba. O kia zubha kusamba, xibulu iê imoxi u mu ambela, uixi: Ngana, tu longe o kusamba, kala Nzuá kia longele o jixibulu jê.
Ngana Jezú, uixi: Nanhi-phe o kimbadi kia mukua kidi, mukua kilunji? Muenhó, ngana iê ua mu bhake ku pholo ia abhikʼê, ni a a bhane kúdia kuâ mu ji-ola ja tokala.
Ngana-phe ua mu kumbulula, uixi: Mu akua makutu! Manhi bhuala muthu mudienu u kamba kujituna o ngombe iê, mba bulu iê mu kibhanga, ni a i bheke mu kunua?
Ngana uixi: Se mua kexile ni kuxikana kua soko ni lumbundu lua masangu, mueji kuambela muxi iú ua mukuzu: Tukuka bhabha, ua kà di phaphe mu ʼalunga! Uene-phe uejú mi tumaka.
Bhenhobho Zakeu anga uimana bhu pholo ia Ngana, u mu ambela, uixi: Ngana, kaxaxe ka jimbongo jami, ngi ka bhana jingadiama. Se bhuala muthu nga mu-di mangonha, mu kubhana o lubhaku, ngi mu fute-kiu mu luuana.
Bhenhobho Ngana anga u biluka, hé u ta mesu kua Phetele ni ku mu tonginina. Phetele anga u lembalala o maka ma Jezú, kia mu ambela, uixi: Dikolombolo ki dia-ndu kokola lelu, katé eie ua ngi di tunu lutatu.
Malʼ aiadi iá, kia zubha kutula kua muène, a mu ambela, exi: Nzuá dia Batizu ua tu tumu kó-kué, ku kuibhudisa mba eʼ muène iuná a mu tanga-jinga o kuiza, inga tu kinga muthu uengi?
Josuué dia Nune, kioso kiala bhu Xitime, u katula ilolo iiadi ni a bhite mʼoxi sé athu ku a ejiia, uixi: Ndenu, kà londienu ixi ienhiʼii ni mbanza ia Jedikó. Anga aia, a tula mʼonzo ia muhatu kidianzunga, dijina diê Lahaba, hé a zekela usuku muenhomo.
Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.