Luka 7:16 - O Mikanda Ikola

¹⁶ Uôma anga u a kuata ene oso, a kala mu tondela Nzambi, exi: Mueza polofeta ia dikota mu ʼaxaxe ketu! Nzambi a tane-ku! Ua zungila o kifuẋi kiê!

Luka 7:16 ပူးပေါင်းရင်းမြစ်များ

Jisálamu 65:9

Ixi u i zungila, u i tekela; u sueka jimbongo javulu mu mavu, mukonda dia ngiji ia Nzambi iezala menha; athu u a dikila ni masa, ki u zubha kukalakala ku mábhia.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Matesu 15:31

Katé kifuẋi kia diuana, kia mono mabubu ia zuela, inema íi di sanza, atenguine ia enda kiambote, ifôfo íi mona. Anga a kala mu bhana fuma kua Nzambi ia Izalaiele.

Matesu 21:11

Kuala mundu, exi: Muène polofeta, Jezú mukua Nazalé ku Ngalileia.

Matesu 28:8

Ene anga a katuka lusolo bhu mbila, ni uôma ni ngalasa iavulu, anga a lenga mu tudila jixibulu jê.

Matesu 9:8

O mundu-phe, kia ki mono, uôma u a kuata, anga a ximana Nzambi ua bhana athu o nguzu kala kiki.

Luka 1:65

Jinzukame jê, ene oso a tungu bhobho, uôma anga u a kuata. Ima ioso iíi anga i fumana mu milundu ioso ia Judeia.

Luka 1:68

Sakidilenu Ngana, Nzambi ia Izalaiele! Kuma mundu uê ua u zungila, ua u kula;

Luka 19:44

ji ku lundumuna, ni eie ni anʼé moxi dié. Bhenhabha kà kaxia-bhu ditadi ku thanduʼ a ditadi, mukonda eie ua kambele kuijiia o kithangana Nzambi kia ku zungidile, phala ku ku bhulula.

Luka 2:20

Abidi anga a vutuka ni kutonda ni kuximana Nzambi mu ima ioso ievu, ia mono. Kuma ia bhiti muene kala kioso kia a tangelele na-iu kuala o anjo.

Luka 24:19

Muène uixi: Ima iahi? Ene a mu ambela, exi: Ima ia tokala kua Jezú dia mukua Nazalé. Muthu ió ua kexile polofeta i kôla ni mu ikalakalu, ni mu maka, bhu pholo ia Nzambi, ni bhu pholo ia mundu.

Luka 5:26

Oso muene anga a bhuuama, a kala mù ximana Nzambi; anga a zuela ni uôma uoso, exi: Lelu tua mono madiuanu!

Luka 5:8

Ximá Phetele-phe kia ki mono, u fukama bhu inama ia Jezú, uixi: Ngi tundile, Ngana, bhu mbandu iami, mukonda eme ngi mukua ituxi.

Luka 7:15

O uafu anga u bhetuka, u xikama, hé u kuata mù zuela. Anga u mu bhana kua manhâ.

Luka 7:39

Falizeu-phe ua mu ixanene, kia ki mono, uedi ni muẋima uê, uixi: Muenhú se ua kexile polofeta, ueji kuijiia mbutu ia muhatu uoso ua mu mu kuata kiki, kuma mukua-ituxi.

Luka 8:37

Akua ʼxi iosuʼoio ia Ngandala anga a bhinga Jezú kutunda bhu mbadu jâ, kuma uôma uavulu ua a kuata. Jezú bhenhobho anga u di longa mu bote, u vutuka.

Luka 9:19

Ene a mu vutuila, exi: Amoxi-mu a mu kuila kuma eie Nzuá dia Batizu. Amukuá kuma eie Elija. O amukuá a mu kuila kuma ku jipolofeta jòkulu kua fukunuka muthu.

Nzuá 1:21

Ene anga a mu ibhudisa dingi, exi: Tuila-phe kiebhi? Manhi eie Elija? Uixi: Kana! Ki eme. Exi: Eie polofetʼoio tuene ku mu kinga? Uixi: Kana.

Nzuá 1:25

Anga a mu ibhudisa dingi, exi: Ihi-phe ia ku bhangesa kubatizala, se eie, ki eie u Kristu, ki eie Elija, ki eie u polofetʼoio tuene ku mu kinga?

Nzuá 4:19

Muhatu uixi: Kindala, Ngana, nga kuijiia kuila eie u polofeta!

Nzuá 6:14

Athu kia zubha kumona o kidiuanu kia bhange Jezú, exi: Kidi kiene! Iú muene polofeta a kexi ku mu kinga mu ngongo!

Nzuá 9:17

Bhenhobho jifalizeu anga ambela dingi o kifofo, exi: Eie uambe kiebhi, kua ió ua ku jikula o mesu? Uixi: Muène, polofeta.

Jipoxolo 5:5

Ananiia ki evu makʼ ama, ua di bhale bhoxi, anga u batuka o muenhu. O iá oso a kʼ ivu, uôma uavulu ua a kuata.

Jipoxolo 7:37

Muene Mozé umoxiʼú u tangela anʼ a Izalaiele, uixi: Ngana hadia ua kà mi zangelekela mu ʼaxaxe ka jiphange jenu enu-enu, polofeta mukuâ ni eme.

Ngalásia 1:24

Anga a kala mù ximana Nzambi, mukonda diami.

Matendelelu 18:15

Jihova Nzambi ié ua kà ku balumuina polofeta momué, muʼaxaxe kaʼphange jé, mukua nʼeme; muenhó muene kiá mua kà mu ivua.