Luka 7:14 - O Mikanda Ikola

¹⁴ Anga u bhixila hé u kuata ku ditumba. O ió oso a di ambata, anga emana. Uixi-phe: Eie kaiala, nga ku ambela: Balumuka!

Luka 7:14 ပူးပေါင်းရင်းမြစ်များ

I Jisobha 17:21

Bhenhobho u di zala lutatu ku mukutu ua kamona, anga udikola kue Ngana, uixi: Eie u Jihova, u Nzambi iami, nga ku diondo, muenhu ua kamona kaka vutula-u u bokone dingi moxi diê.

I Jisobha 17:22

Ngana anga uívua o dízui dia Elija; anga o muenhú ua kamona u vutuka hé u bokona dingi moxi diê, mona anga u kala dingi ku muenhu.

Jobe 14:12

kiene ue, o muthu kia zeka mu kúfua, ka balumuka dingi; kioso hanji o diulu ki di bhu-ku luua, muene ka kà tona, mba u fundumuka ku kilu kiê kia kalunga.

Jobe 14:14

Muthu nʼa fu, mbé ua kà kala dingi ni muenhu? Izuua ioso i nga mu lua ita ngeje ku kinga, katé kia ngi lungulula dingi lua mukuá.

Jisálamu 33:9

Kuma muene uazuela ngó, ioso ia di bhange; Kia tumina dingi, ima ioso ia tukuluka.

Izaía 26:19

O athuʼé, àfua, a kʼèza dingi ku muenhu; o athuʼé àia kalunga-ka-mbala-maminhu, a kà fukunuka. Phaphumukenu, mu tane ni kusanguluka enu muà tunga mu fufutila; Kuma o dimume dié dila kala mume dia isasa ia uisu; ni oxi iene ia kà lukula madifundu ma bhakele.

Marku 5:41

Anga u kuata o mona mu lukuaku, u mu ambela, uixi: Talita, kumi! Uambe, mu ku ki jimbulula: Kilumba, nga ku tumu kubalumuka!

Luka 7:13

Ngana kia mu mono, henda ia mu kuata, anga u mu ambela, uixi: Ku dile.

Luka 7:15

O uafu anga u bhetuka, u xikama, hé u kuata mù zuela. Anga u mu bhana kua manhâ.

Luka 7:17

O fuma iíi ia Jezú, anga i sambuka mu Judeia ioso, ni mu jimbandu ja kamukuá ja kondoloka.

Nzuá 11:25

Jezú ua mu ambela, uixi: Eme ngi difukunukinu ni muenhu. Uoso u ngi xikana eme, né uafu, u kala dingi ni muenhu.

Nzuá 5:21

Mukonda kala Tata kia fukununa afi, hé u a bhana muenhu, kiene ue o Mona u bhana muenhu kua oso a mesena.

Nzuá 5:25

Kidi, kidi, ngi mi ambela: Kumbi dí diza, o diene dia bhixila kiá, dia afi kuívua o dízui dia Monʼ a Nzambi. Oso-phe a dʼivua, a phaphumuka hé a laia.

Loma 4:17

Kala ki ambe o Mikanda Ikôla, iexi: Eie nga ku bhange u tata ia ifuẋi iavulu. Kala kiki, o polomesa a i kuatesa kuala Nzambi, ió a mu xikana kuala Mbalahamu—Nzambi, mukua kuphaphumuna athu afu kiá, hé u bhangesa kukala ku muenhu o ima kiluua i kala-ku, anga i di bhanga muene.

Efezo 5:12

Kuma ima i bhanga enʼ ió mu kasuekele, ni ku i tanga ngó, ki kuata sonhi.