Luka 7:13 - O Mikanda Ikola

¹³ Ngana kia mu mono, henda ia mu kuata, anga u mu ambela, uixi: Ku dile.

Luka 7:13 ပူးပေါင်းရင်းမြစ်များ

Jisálamu 103:13

Kala tata, anʼê u a kuatela henda, kiene ue Jihova u kuatela henda oso a mu kala ni uoma.

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Marku 8:2

O mundu nga a kuatela henda, mukonda nga bhange-nê kia izuua itatu, kala dingi ni kudia.

Luka 10:1

Kia bhiti ima iíi, ku izuua, Ngana u sola dingi makuinhi sambuadi a xibulu ni kiiadi jamukuá, anga u a katula kiiadi-kiiadi, ni a mu tuamenene ku jisanzala joso ni ididi kuoso kua-nda kuia muène.

Luka 11:1

Kizuuʼiki, Jezú u kala kididi mù samba. O kia zubha kusamba, xibulu iê imoxi u mu ambela, uixi: Ngana, tu longe o kusamba, kala Nzuá kia longele o jixibulu jê.

Luka 11:39

Ngana Jezú anga u mu ambela, uixi: Enu mu jifalizu, o kopho ni dilonga mu di kondona ku kanga; moxi dienu-phe muezala uíi ni phulu.

Luka 12:42

Ngana Jezú, uixi: Nanhi-phe o kimbadi kia mukua kidi, mukua kilunji? Muenhó, ngana iê ua mu bhake ku pholo ia abhikʼê, ni a a bhane kúdia kuâ mu ji-ola ja tokala.

Luka 13:15

Ngana-phe ua mu kumbulula, uixi: Mu akua makutu! Manhi bhuala muthu mudienu u kamba kujituna o ngombe iê, mba bulu iê mu kibhanga, ni a i bheke mu kunua?

Luka 17:5

Jipoxolo anga jʼ ambela Ngana, exi: Tu vudise dingi o kuxikana kuetu.

Luka 17:6

Ngana uixi: Se mua kexile ni kuxikana kua soko ni lumbundu lua masangu, mueji kuambela muxi iú ua mukuzu: Tukuka bhabha, ua kà di phaphe mu ʼalunga! Uene-phe uejú mi tumaka.

Luka 18:6

Ngana uixi: Ívua kia zuela o mufundixi ió ua mangonha.

Luka 19:8

Bhenhobho Zakeu anga uimana bhu pholo ia Ngana, u mu ambela, uixi: Ngana, kaxaxe ka jimbongo jami, ngi ka bhana jingadiama. Se bhuala muthu nga mu-di mangonha, mu kubhana o lubhaku, ngi mu fute-kiu mu luuana.

Luka 22:61

Bhenhobho Ngana anga u biluka, hé u ta mesu kua Phetele ni ku mu tonginina. Phetele anga u lembalala o maka ma Jezú, kia mu ambela, uixi: Dikolombolo ki dia-ndu kokola lelu, katé eie ua ngi di tunu lutatu.

Luka 24:3

Anga a bokona, o mukutu-phe ua Ngana Jezú ka u sange-mu.

Luka 24:34

Kidi kiene, Ngana ua fukunuka! Ua tukulukila Ximá!

Luka 7:12

Kia bhixila bhua zukama ni bhu muelu ua kimbaka kia sanzala, u sanga ala mù tunda ni kimbi, mona umoxi ua manhâ, o muène mutudi; akua-bhata ue avulu aia-nê kumoxi.

Luka 7:14

Anga u bhixila hé u kuata ku ditumba. O ió oso a di ambata, anga emana. Uixi-phe: Eie kaiala, nga ku ambela: Balumuka!

Luka 7:19

Nzuá anga uixana kiiadi ku jixibulu jê, u a tuma kua Ngana ku mu ibhudisa, kuila: Eiʼmuène iuná a mu tanga-jinga o kuiza, inga tu kinga muthu uengi?

Luka 8:52

Ene oso anga a kala mù dila, ni ku ta mbundu, mukonda dia kamona. Muène-phe, uixi: Ki mu dile; mona kàfu, uaii ngó ku kilu!

Nzuá 11:2

(Madiia muène ua tele Ngana o maji ma dizumba, anga u mu kondona inama ni kindemba kiê; muene ue uavu phangʼ iê Lázalu uala mù kata.)

Nzuá 11:3

Jiphange ja ahatu enhá anga a tuma kuambela Jezú, exi: Ngana, kunu o kamba dié Lázalu ua mu zola, iù kata.

Nzuá 20:13

Jene ji mu ibhula, exi: Muhatu, ua-lu didila-hi? Muène uixi: Mukonda o Ngana iami a mu katula-bhu, ki ngʼejiia kuoso kua mu bhake!

Nzuá 20:15

Jezú anga u mu ibhula, uixi: Muhatu ua-lu didilahi? Nanhi ua mu mu sota? Muène kuma ua fika muène mudimi a kadibhia, uixi: Ngana, se eie-muène ua mu katula-bhu, ngi tangele kuoso ku ua mu bhake, eme ni ngi mu ambate, ngiie-nê kididi kiengi.

Nzuá 4:1

Ngana kia zubha ku kʼijiia kuma jifalizeu a mu ivu ni kubhanga ni kubatizala jixibulu javulu, Nzuá ndenge,

Nzuá 6:23

sumbala ki kuákie kuejile jibáluku jamukuá ja tundu mu Tibeliiade, anga ji bhixila bhu kididi bha dile o jimbolo, kia zubha Ngana kusakidila

I Kolindo 7:30

O oso a dila, kele kala ala ni malamba; O oso a mu kuolela, kele kala a mono mbote; Oso a sumba, kele kala avu kimbamba kiokio kia sumbu.

I Tesalonika 4:13

Tuinda-phe, enu jiphange, kuila ki mu kambe kuijiia kikexilu kia ió oso aia ku kilu, phala ki mu kale ni mukondo kala athu amukuâ ka moneka kia dielela.

Jihebeleu 2:17

Uila kiki, Jezú kia mu fuama mu ima ioso o kusokela ni jiphange jê, phala a tene kukala Nganga iâ ia Dikota, ia lenduka, ia fiiele, mu sedivisu iê kua Nzambi. Mu kienʼ iki nʼ a kale kiluuluilu kia ituxi ia mundu.

Jihebeleu 4:15

O Nganga ietu ia Dikota u tena kuivua o malamba metu. Mukonda o Nganga ia Dikota muenʼiú, a mu thendalele mu ima ioso kala etu-ene, maji sé ngó ku ta kituxi.

Afundixi 10:16

Anga a tubhula o jinzambi ja jixi jengi muʼaxaxi kâ, a kala mu bhikila Jihova; muene anga u kala ni muẋima ua kuxinganeka o kusebuluka kua Izalaiele anga u kala ni henda iâ.