Luka 7:12 - O Mikanda Ikola

¹² Kia bhixila bhua zukama ni bhu muelu ua kimbaka kia sanzala, u sanga ala mù tunda ni kimbi, mona umoxi ua manhâ, o muène mutudi; akua-bhata ue avulu aia-nê kumoxi.

Luka 7:12 ပူးပေါင်းရင်းမြစ်များ

Dimatekenu 22:12

Uixi: Mona kana ku mu tula lukuaku, kana ku mu bhanga kima kiaiibha; kuma kiki ngʼejiia kuila u mukua uoma ua Nzambi, katé ni monʼé umoxiʼèlele, kua ngʼimina-nê.

Dimatekenu 22:2

Uixi-phe: Katula monʼé, monʼé umoxi-èlele, Izake, monʼé ua kazola uie-nê kʼoxi ia Modiia; kuenhoko ua kà ngi satele-nê, sata ia kuoha, bhu thala a mulundu uoso u ngi ku idikiza.

II Samuuele 14:7

O ki tualʼiki família ioso ia ngi lungulukila eme, exi: Tu thelekale uoso ua te o kituezu kua phangʼiê, etu ue tu mu jibhe mukonda dia muenhu ua phangʼiê ua bûba, phala muene ue tu mu fudise o kukala kabhingano. Kala kiki, andala dikala diami dia túbhia dia xala-ku, a ngi jimina-diu, ni eme ni munumeʼami hé tua kà xala sé dijina sé mbutu mu ngongo.

I Jisobha 17:12

Eme-phe muhatu, uixi: Ngana Nzambi ié kuene kuala, kuma eme né ngó mbolo imoxi ki ngala na-iu; ngala ngo ni dibhûbhu dia tufuba mu ímbia, ni tumaji tuofele mu themda. Kiki talaze kunu, nga kanga o tumiẋi tua jihuinhi tutu, eme ngala kuia kiá ku lamba o tufuba tuenhoto anga tudia nʼeme ni monʼami, hé tufuetu kiá.

I Jisobha 17:18

Bhenhobho muhatu uambela Elija, uixi: Kima kiahi ki nga ku bhange eie u muthu ua Nzambi, tata? Kiene ki uejiia ko kuami, mbé o ku ngʼidikiza kituxi kiami ki nga jimbile, ni ku ngi jibhila monʼami, kuambe?

I Jisobha 17:23

Elija anga u zangula o kamona, u tubhuka-na-ku mu xilu hé uiza-nê monzo, anga u mu bhana kua mamʼâ. Kuala Elija: Tala, monʼé-ze ió, ua phaphumuka kiá.

I Jisobha 17:9

Fundumuka, uie mu Seleta, ku ixi ia Sidone, ua kà kale muenhomo; mukonda muenhomo nga tumina-mu muhatu ua mutudi phala ku ku disa.

II Jisobha 4:16

Kuala, Ilizeu: Bhu kithangana kia tokala, kia kà bhita o muvu, ku izuua ia muenhu, eie ua kà bhubhala mona ua diiala. O muene-phe, uixi: Kana, ngana iami, tata! Muthu ua Nzambi, o mubhikʼê ua muhatu ku mu tele makutu.

II Jisobha 4:20

Muene hé u mu zangula, u muʼambata kua manhʼâ. Anga u kala ku jiphuna katé mu kumbi dia mediia, anga u fua.

Jobe 29:13

Kizediuise kia ió ua mu fua, kieza jinga kokuami, kuma eme nga kexile mu sangulukisa o muẋima ua mutudi ua muhatu.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Luka 7:11

Kizuua kia mukuá, Jezú uia ku sanzala a ixana Naíni. Ni jixibulu jê ni ndumba ia athu ela-nê kumoxi.

Luka 7:13

Ngana kia mu mono, henda ia mu kuata, anga u mu ambela, uixi: Ku dile.

Luka 8:42

mukonda monʼê umoxi ua muhatu, mukua kuinhi dia muvu ni iiadi, ua kumbama. Kioso-phe Jezú ki aia ni kuenda, kifuẋi ki kala mu ku mu phopheka ku mbandu ni mbandu.

Luka 8:52

Ene oso anga a kala mù dila, ni ku ta mbundu, mukonda dia kamona. Muène-phe, uixi: Ki mu dile; mona kàfu, uaii ngó ku kilu!

Nzuá 11:19

Mukonda dia kiki, Jijudé javulu jeza kua Marta ni Madiia, mu ku a didisa o thambi ia phangʼ iâ.

Jipoxolo 9:39

Phetele anga u katuka, uia-nâ. O kia zubha kutula, a mu bheka mʼ onzo ia thandu. Ahatu a atudi anga a mu kondoloka ni kudila, ni kuidikiza jimbinza ni izuatu iamukuâ, ia a tungila jinga Kasexi, kia kexile-nâ hanji ku muenhu.

Jipoxolo 9:41

Phetele anga u mu bhana lukuaku, u mu balumuna. O kiexana akua Ngana oso ni atudi, u mu bhana kua ene ni muenhu.

Tiiaku 1:27

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.