Luka 6:7 - O Mikanda Ikola

⁷ Jimesene ja Kitumu ni jifalizeu anga a kala mu ku mu tala, mba u mu saka mu kizuua kia Sábhalu, phala ene a mu te mulonga. Mukonda ene a mesenene ku mu kuata mu diba dioso-dioso, nʼa mu âmbe kuila ka mu kualuka o Kitumu.

Luka 6:7 ပူးပေါင်းရင်းမြစ်များ

Jisálamu 38:12

Enhó ue ala ku ngi seia o muenhu uami, a mu ngi tela míkala; athu ió a mesena ku ngi kuama, a tanga ima ia phulu ioso; a nanga kumbi dioso dia kambàmba ni ku ngi kanena.

Izaía 29:21

ni oso a uabhela kutuika mulonga ku muthu mu diba dimoxi ngó, a sota o ndunge ia kukuata oso a a bazela bhu muelu; o muthu uaiuka a sota kioso kia mu uanuna mu dianda diâ, sè kikuma.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Matesu 5:39

Eme-phe ngi mi ambela kuila: O dilebhu kana kubhânga na-diu. Uoso-phe u ku bhana huxi ku ditama dia kúdia, mu lunguluile ni diamukuá.

Marku 3:2

Ene anga a kala ku mu tonginina mba u mu saka kia sabhalu, phala a mu tatele.

Luka 13:14

Dikota dia dilombe-phe, u futuluka, mukonda Jezú ua sake kia Sábhalu. Anga uambela o kifuẋi, uixi: Sai izuua isamanu ia tokala o kukalakala. Iene izuua i muiza jinga, nʼa mi sake. Mu kizuua kia Sábhalu, kana.

Luka 20:20

Anga a kala ku mu batamena, hé a tuma-ku jiphombi ja futila kitadi, ja di fikisa kala athu aiuka, phala ku mu kuatela mu kuzuela kuê, ni a mu bhane ni mulonga kua nguvulu.

Nzuá 9:16

Jifalizeu jamukuá, jexi: Muthu ió ua bhange kiki, ka tundu kua Nzambi, mukonda o Sábhalu ka i aiuka. Amukuá, exi: Mukua-ituxi utena kiebhi, kubhanga madiuanu kala iá? Anga a di uanuna mudiâ.