Luka 6:48 - O Mikanda Ikola

⁴⁸ Ua di fangana ni muthu u tunga inzo, anga u kanda muxinda ua zongo, u xikamesa o disesa ku matadi. O kieza kimvula, hungulule anga i kondoloka inzuʼoio, iene-phe ki ia tena ku i zambesa, mukonda iòtunge kiambote.

Luka 6:48 ပူးပေါင်းရင်းမြစ်များ

II Samuuele 22:2

Jihova muene ndánji iami, mbonge iami ia kolo, mukudi uami uene ku ngi kudila.

II Samuuele 22:32

Nzambi iengi uebhi, oko Jihova muene ngó kuabhu? Ditadi diengi diebhi, u mu fika ni Nzambi ietu?

II Samuuele 22:47

Jihova a laie mu thembu joso! A tane-ku ditadi diami! A zangalale Nzambi iami ia Kibhamuenhu!

II Samuuele 22:5

Mukonda mabhuku a kalunga a sotele ku ngi bobesa, masenza ma kadiaphemba ma ngi kuatesa uoma, kuma mambele ku ngi kungulula.

II Samuuele 23:3

Nzambi ia Izalaiele ua zuela ditadi dia Izalaiele muene ua ngʼambela: muthu u tumina athu mu uiukilu uê, ió u tumina mu uoma ua Nzambi,

Jisálamu 32:6

Mukonda dia kiki, uoso uabhu o kubhuma, a dikole ko kué mu thembu i xikina ku mu ivua; o kia-nda kuiza menha mavulu, ma di bhange masenza, bhuemana muene ka bhiẋila-bhu dingi.

Jisálamu 62:2

Nzambi muene ngó o ditadi diami di ngi bhana muenhu; kua muene ku nga kondamena, ka ngi zambesa kiavulu, kana!

Jisálamu 95:1

Ndokuenu, tu imbidienu Jihova ni kutana; tu dikodienu ni ngalasa bhu ditadi dietu dia kubhulukila.

Jisabhu 10:25

Mukua phulu uia nzaká, kala ki somboka o kitembu kia kibhungu; maji o muthu ua iuka, ua kalelà-ku kala a mu tunga bhu ndanji.

Izaía 26:4

Dielelenu Jihova mu thembu joso; mbata Jihova, Nzambi, ndanji i nangenena.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Izaía 59:19

Kiene kia kà xila kiua dijina dia Jihova tundé ku mazanga, anga aẋila kijingo kiê tundé kutundila dikumbi. Kioso kiza nguma kala hungulule ia menha, Nzumbi ia Jihova u oleka mvela phala ku mu kaia.

Nahumu 1:8

Muene ua kà bobesa kididi kiki ni kibuika, mukua ni dilúviu dia menha; ua kà kaiesa jinguma jê katé ua a jikinisa mu kitombe.

Luka 6:47

Uoso ueza ko-kuami, ua ngʼivu maka, anga u ma bhanga, ngi mʼidikisa uoso a di fangana-nê.

Luka 6:49

Uoso-phe uívua, anga u kamba ku ki bhanga, ua di fangana ni muthu u tunga ngó ku mavu, bhua kambe disesa. O ki bhita hungulule, inzo kindala ia lundumuka. O kusekala-phe kua ʼnzuʼoio, ku vula!

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Efezo 2:20

Enu muedi kala mu inzo iotunge. Mua tunguiua ku thandu dia disesa dia te o Jipoxolo ni Jipolofeta. O Kristu Jezú muene o ditadi dia dikota dia kuatesa bhu thungi ku inzu ienʼ iii.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Matendelelu 32:18

ʼTadi dia Muenhu ua mu jimbiê kiá, ua kuvuala; Nzambi uoso ua kʼumbile iú ua ku bhana o kukala, ki bhinga u mu jimba?

Matendelelu 32:31

Kuma o ditadi dia-êne, ka soka ni ʼTadi dietu-etu; o kiki ni jinguma jetu jene kia a tetulukila uâ.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

II Phetele 1:10

Uila kiki, enu mu akuetu, phange jami, Sotenu izuua ioso kukala ni muẋima ua kolo mu kuijiia kuma Nzambi kidi kiene, muène ua mʼixana iú ua mi solo. Mbata se kiene ki mu bhanga, ki mua-nda kudibhala dingi.

I Nzuá 2:28

Xi! Kiki-phe, tuana tuami, jijilenu o kukala mu ukamba ni Kristu, phala se uedi u tukuluka, tu bhue uôma. Mbé ki tu kale ni jisonhi bhu pholo iê, hé tuà ka bhindamena kudisueka bhu Kizuua bhuoso muène bhua kà tukulukila.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

I Samuuele 2:2

Ua kambe ituxi kala Jihova ka moneka, kuma eie u Nzambi ku moneka mukuenu a ku fika-nê; kana-ku ndánji iengi i soka ni Nzambi ietu.