Luka 6:45 - O Mikanda Ikola

⁴⁵ Muthu uambote, ku mbote ia mu vudila mu muẋima, u tubhula ima iambote; o kifusa, ku ufusa ua mu vudila mu muẋima, u tubhula ima iaiibha. Mukonda kioso kia vudila ku muẋima, kiene ki tanga o dikanu.

Luka 6:45 ပူးပေါင်းရင်းမြစ်များ

Jisálamu 140:5

Akua izala ió a ngi tela mabhebhe ni múkala; a ngi fika kúfua mu uanda ua mikolo ua ngi tela; a ngʼolekela mibhetu ku mbanduʼa njila.

Jisálamu 59:12

Mukonda dia kituxi kia dikanu diâ, ni maka ma mizumbu iâ, afue-phe mu uanda ua kubhuma kuâ; mukonda dia jindaka jâ ni makutu ene mu zuela.

Jisálamu 59:7

Tongolola-kiu, kuma mu kanu diâ mu tunda ima iaiibha, o ku mizumbu iâ kua xikama ngó jindaka; kuma amba, exi: Nanhi muene u tu ívua.

Jisabhu 12:18

Sai athu, uzuelela uâ u toma ku miẋima kala jiphondo ja xibhata; dimi-phe dia jihete ja kuzuela, di bheka kudisanza.

Jisabhu 15:23

Muthu kuijiia kuvutula kizuelu kiambote ni dikanu diê, ki mu sanguluisa; kuma o kizuelu kiene mu touala bhu thembu iê!

Jisabhu 4:23

Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.

Nzuá 7:38

Uoso u ngi xikana eme, kala ki ambe o madivulu ma Kôla, Jingiji ja menha ma muenhu ja kà mu tunda mu thulu iê.

Jipoxolo 5:3

Kuala Phetele-phe: Eie Ananiia, Satana ua ku funhisa kiebhi o muẋima, phala ute makutu kua Nzumbi Ikôla? Eie ihi ia ku bhakesa o mbandu ia mukuá, ku kitadi kia tundu mu kusumbisa oxi?

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Efezo 4:29

Ki mu tunde ndaka iabolo mu kanu dienu. Maji o kuzuela kuenu ku kale kua kukuatekesa akuenu kukula mu kuxikana ni a mone kioso kia bhindamena, phala kuzuela kuenu ku bhange mbote kua oso evua.

Efezo 5:19

Mu kale mu ku di kunda mudienu ni jisalamu, ni mikumbi ia nzumbi. Muila ni kuimbila Ngana mimbu ni jisalamu ni muẋima ua ku mu sakidila.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

Kolose 4:6

O kuzuela kuenu ku kale kua ujitu, kuotoue ni môngua, phala uoso ua mʼibhula, mu ijiie ku mu vutuila kiambote ni ujitu.

Jihebeleu 8:10

O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.

Juda 1:15

mu kufundisa athu oso. Uà keza mu kuêlesa athu oso abhumu, a kambe kuxikana, mukonda dia imbamba iâ ioso ia kubhukumuka ia bhumina kubhanga, ni malebhu moso akua ituxi abhumu enhâ a ẋonguena jinga na-u Nzambi!