Luka 6:38 - O Mikanda Ikola

³⁸ Bhanenu akuenu, enu uenu Nzambi a mi bhane. Kienhiki-phe Nzambi ua-nda ku mi bhana kizongelu kiambote, kiòbate, kiòsakese, kia ẋamuka, a mi bhana bhu homba ienu. Mukonda ioso o nzôngo i mua zongela akuenu, iene ue Nzambi ia mi zongela enuʼenu.

Luka 6:38 ပူးပေါင်းရင်းမြစ်များ

II Samuuele 19:36

Eme ngʼinda ngó ngi ku xinjikila mu zaúka Njolodá, ngi mubhikʼé, kùku, u ngi vutuilahi kisakidilu kia soko kala kiki?

Estere 7:10

Kienhiki anga a nhenga Hamane ku mukambu ua iudika muene phala kunhenga Moledekai. O kia zubha ku ki bhanga, njinda ia muenexi ia sosoloka kiua.

Estere 9:25

Maji o kieza o maka iá kua muenexi, muenexi ua bhangesa mikanda ia kulungulula kikutu kiê kia usuéia, phala ufe uê uambele kubhanga jijudé uize ku thandu dia mútue uê muene ni muene ni anʼê phala a a nhenge ku mukambu ua iudika muene.

Jobe 42:11

Bheneʼobho-phe kiá, phange jê joso ja mala ni ja ahetu, jiza anga ji mu bhongolokela, ni oso kiá a diʼjidile-nâ mʼukulu, anga a dia-nê mbolo mʼonzo iê, anga a mu kala ni henda, hé a mu konda malamba ma ima ioso ia ibha ia mu tumikixine Ngana; eneʼoso ela, iú ua mu bhana kitadi ni nela ia ulu, iú ua mu bhana kitadi ni nela ia ulu.

Jisálamu 79:12

Athu engiʼó u tua zukama-nâ a fute lusambuadi bhu homba iâ, o kusebha kuâ kua ku ku tobhesa eie u Ngana.

Makatukilu 21:24

diesu mu diesu, dizu mu dizu, lukualu mu lukuaku, kinama mu kinama,

Jisabhu 10:22

Dibesá dia Ngana diene di muesa jimbongo; o umvuama u tunda kua muene ki u bheka dilamba.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Jisabhu 22:9

Uoso uene ni utalelu ua mbote, sai dibesá diê; mukonda u tena kutonginina o ngadiama, ni ku mu bhana kúdia.

Jelemiia 32:18

Eie jihenda jé uene muji kuatela jimidi ja vulu, anga u vutuila phonzo ia jitata bhu nzemba ia anʼâ anda ku a bhingana ene; Kutende! Nzambi ia kutena! Ua bhingi dijina diê muene Jihova dia Ilombo Ieta.

Matesu 10:42

Uoso ue u bhana-ku muthu ku jindengʼ iji, kopho ngó ia menha ma talala ma kunua, mukonda dia kukala xibulu iami, ngi mi tangela kidi, o kisakidilu kiê ki kià kamba.

Matesu 7:2

Mbata, o kubatula kuoso ku mu batuila na-ku akuenu, enu uenu kiene Nzambi kia kà mi batuila; ni nzôngo ioso i mu zongela na-iu akuenu, enu uenu a ka mi zongela-iu dingi.

Marku 4:24

Anga ua ambela dingi, uixi: Alukenu kioso ki muívua: kuma o nzongo ioso i mu zonga na-iu phala akuenu, enu uenu iene Nzambi ia mi zongela; anga a mi tela-ku dingi.

Luka 6:30

Ua ku bhingi, mu bhane; o ua ku ambata imbamba ié, ku mu ibhule-iu dingi.

Matendelelu 15:10

Eie-phe u mu bhana muene kiambote ni kieha kioso, muxima ué ki u dimbuluke kioso ki u mu bhana; kuma kienhiki kiene kia-nda ku ku zediuixila Jihova Nzambi ié mu ikalakalu ié ioso, ni mu ima ioso i u sota kubhanga ni lukuaku lué.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.

Afundixi 1:7

Adoni-bezeke anga u zuela, uixi: Makuinhi sambuadi a sobha a kumbuka milembu ia ikota ia maku ni ia inama, a kexi mu nona jisesekenha mʼoxi a meza ami; kioso ki nga bhangele eme, Nzambi ua ngi futu-kiu. Anga a mu bheka mu Jeluzaleme, hé u fuila momo.