Luka 6:29 - O Mikanda Ikola

²⁹ Uoso u ku bhana huxi ku ditama dimoxi, mu bhane ue ni dia mukuá. O ua ku tambula dibeka, ni mbinza ku mu fudise-iu.

Luka 6:29 ပူးပေါင်းရင်းမြစ်များ

II Samuuele 19:30

Mefibozete anga u ambela muenexi, uixi: Muene a tambule ioso, kabasa eie kùku, ngana iami, ua bhongoloka dingi ku bhata ni paze.

II Malunda 18:23

Bheneʼobho phe Zedekiia, monʼa Kanana, ua di sunga anga u bhana huxi ku dikanu dia Mika, uixi: Nzumbi ia Jihova ia bhitila njila iebhi, mu ku ngi somboka eme, í ia ku zuelela eie?

Izaía 50:6

O dikunda diami ngi di bhakuila ió oso a ngi beta, oso a ngi vuza o muezu eme ngʼa ehela o matama; bhu kala o ku ngi tembula ni ku ngi thuthuina mathe, pholo iami ki ngi i sueka, kana.

Kuditenda 3:30

A bhane ditama diê kua uoso u mu bha jihuxi; adie muene jindaka, ekute.

Mikeia 5:1

Kindala bhongolola o masoladi mé ku ibuka-ibuka, eie monʼa kilumba, a ku vuala kuala ilolo ia ita! Kuma a-nda ku tu kondela bhu kaxi; o mufundixi ua Izalaiele a-nda ku mu kuama ni mbangala ku jinganzuánzua.

Matesu 26:67

Anga a mu ṗhamena mathe mu pholo, a mu bhana jihome. Amoxi a mu bhana jihuxi, exi:

Luka 22:64

Anga a mu futa o mesu, a mu ibhula, exi: Sakela, mba mukua-hi ua ku beta.

Luka 6:30

Ua ku bhingi, mu bhane; o ua ku ambata imbamba ié, ku mu ibhule-iu dingi.

Nzuá 18:22

Kia zubha kuzuela kiki, pudixa imoxi uemana-nê u bhana Jezú huxi, uixi: Kiene ki u vutuila, o nganga ia dikotʼ okio?

Jipoxolo 23:2

Nganga ia dikota Ananiia, anga u tuma ió a mu imanena, ku mu bha huxi ku dikanu.

I Kolindo 4:11

Tua mu tala hadi katé ni kithangana kienʼ iki, tuedi ni nzala, ni dinhota. Tuedi ni kuzuata o makoza, ni kutambula o kibetu. Tua lémbua o kididi kia kidi bhu tu tunga.

I Kolindo 6:7

Kana bá, kiene ue kisemu, kuila mu ʼaxaxe kenu mu kala ni madimanda mudienu! Ki inda mu ehelela o ku mi bhanga kiaiibha? Ki inda o ku mi nhana?

II Kolindo 11:20

Mu lendukila oso ene ku mi tumina ni ku mi dia mangonha, oso a mi nganala, oso a mi bhikisa, ni iá a mi bhana o jihuxi.

Jihebeleu 10:34

Enu mua tale o hadi kumoxi ni ene oso a kexile ku malubhambu mu jikaleia. O kia mi bhundu o imbamba ioso i mua kexile na-iu, mua xididika ni ngalasa mu ima ioso íii, mukonda mu ejiia kuma mu avu jimbongo ja beta ujitu, ja kà xalela-ku, ku diulu.