Luka 6:25 - O Mikanda Ikola

²⁵ Lamba dienu, enu kiki muekuta, mukonda mua-ndu kala ni nzala! Lamba dienu, enu kiki mua-lu kuolela, mukonda mua-ndu kala ni kikote ni masoxi.

Luka 6:25 ပူးပေါင်းရင်းမြစ်များ

Jisálamu 49:19

Hinu-phe u kaiela ku aia o malembʼê; ku muanha kuazele, keza-ku dingi.

Jisabhu 14:13

Muẋima, né-mbe hanji mu kuolela muene, ukata; Kuma sai bhabha, o kusanguluka zubhilu diê malamba.

Jisabhu 30:9

Nga lengesa kuila o ki ngizala, ni jimbote ja ndumba, nga vula ku ku dituna kiá eie, hé ngiia, ngixi: O Jihova muene nanhi? O ki ngi kala ngi ngadiama ia ngadiádia, ngavula kunhana, kifua nga lebhukisa o dijina dia Nzambi.

Ndongixi 2:2

Katé ni kuolela nga ku mono kutekuka; o ngalasa iene i ngi bhandululʼahi?

Ndongixi 7:3

O dilamba kota jingolela ndenge, mukonda o pholo kioso ki i luuala, o muẋima u kala dingi kiengi.

Ndongixi 7:6

Mukonda o kuolela kua kiôua, kua soko ni minha ki iia ni kubaza bhu jiku bhuala ímbia. Ienʼiii ue ukumbu ngoho!

Izaía 28:7

Maji ni athu enhá ue, a tondala mukonda dia vinhu; a lueza o njila mukonda dia uhôlua ua lulu kinéne, enda ni ku bhendujuka; katé o nganga ni musesedi a tondala ue, mukonda dia uhôlua ua lulu kinéne; o vinhu ia a jikinisa; a jimbila o njila, kingumba o kúnua uhôlua ua lulu; a tondala mu ixinganeku, a di bhukajana mu kilunji.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Izaía 8:21

Mu ngongo a kà bhita-mu ni hadi ia vulu ia ku a tatesa, ni nzala; o kia-nda ku a bhondeleka o nzala, njinda ia a kuata, o kia tala bhulu, a kà lebhula sobha iâ ni Nzambi iâ.

Izaía 9:20

O kia sutunuina ku mbandu ia dilu, nzala ki i bhu, o kia dila ku kiasu, kekuta luua: Kala muthu ua kà dia xitu ia lukuaku luê.

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Nahumu 1:10

Mukonda né hanji ene a di lunga-lunga kala minha, anga ezala ni vinhu kala jihólua, a kà jimuka ene oso muene kala iangu iakukuta.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Luka 13:28

Bhenhobho bhene bhua-ndu kala o kudila ni ku di kokota ku mazu, ki mu mona Mbalahamu, ni Izake, ni Jakobo, ni jipolofeta joso, ala mu kifuẋi kia Nzambi, enu-phe a mi texi bhu kanga.

Luka 6:24

Enu-phe, lamba dienu, mu jimvuama, mukonda mua tambula kiá o mbote ienu.

Luka 6:26

Lamba dienu, athu oso se a mi tumbula kiambote, mbata jitata jâ kiene ue ki ja kexi kutumbula o jipolofeta ja makutu!

Luka 8:53

Anga athu a kala ku muʼolela, mukonda a kʼijiia kuma uafu.

Efezo 5:4

Né jindaka, né kuzuela kua uoua, mba kasekelu, iene ioso íii ki i mi fuama. Inda kota o kukala mù sakidila jinga Nzambi.

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.

Tiiaku 4:9

Kenananenu, mu di kuate mukondo, mu dile. Jingolela jenu ji biluke jingololo, o kutana kuenu kukale kudisuuata.

Dijingunuinu 3:17

Mukonda eie uambe, uixi: Ngi mvuama, nga mono jimbongo, ioso ngala na-iu ki nga bhindamena kima. Maji kua kʼijiia ngó kuila uala u sébhue, ua tate! Uala u ngadiama, u kifuôfo, u mukua tuẋi!

I Samuuele 2:5

Oso ekutile lelu ʼidi aii ku di umba mu sota kia kúdia, a kexile ni nzala a nhoha-ku kuma ekuta. Katé ni kisula uavuala sambuadi dia mona, o kivadi kia ana avulu leluʼidi ua zoza,