Luka 6:23 - O Mikanda Ikola

²³ Sangulukenu kizuua kienhókio, mu tumbujuke ni kutana, mukonda kisakidilu kienu ki kala kia dikota kia mi bhakela ku diulu. Mbata ni jitata jâ kiene ue ki ja bhangele o jipolofeta.

Luka 6:23 ပူးပေါင်းရင်းမြစ်များ

II Samuuele 6:16

Mu ku ki bhanga-phe, kioso kiala kubokona álaka ia Jihova mu mbânza ia Davidi, Mikala, monʼa Saúlo ua muhatu, u zongola bhu njanena, anga u mona muenexi Davidi uala mu tuka-tuka, uala mu kina bhu pholo ia Jihova: muene anga u mu tobhesa mu muẋima uê.

I Jisobha 18:4

Mukonda kia bhitile kiki kuma, kioso Jezabele kia kuata kujibha jipolofeta ja ngene ja Ngana, Obadiia-phe ua sueka-ku hamʼa jipolofeta; anga u a bhaka mu dibànda ku ibuka ia makuinhʼatanu-makuinhʼatanu, anga u kala mu ku a dikila ni mbolo ni menha.

I Jisobha 19:10

Muene uixi: Eme, Ngana Nzambi ia Ifuẋi, nga mu dielela kiavulu, ngala ni muanu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka umai, ia a mu sota dingi ku ngi katula muenhu uami.

I Jisobha 19:14

Muene-phe, uixi: Eme Ngana Nzambi Ia Ifuẋi nga mu dielela kiavulu, ngala ue ni muanu ua vulu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka uami, maji a mu sota dingi ku ngi katula o muenhu uami.

I Jisobha 19:2

Bhenhobho Jezabele u tuma phunga kutangela Elija, uixi: Jinzambi ji ngi bhange-kiu, anga a ngi tela-ku dingi ku kidi muene, se mungu, bhu kumbi Ma didi, o muenhu ué ki ngʼu bhange kala ua umoxi mudiâ.

I Jisobha 21:20

Anga Akabe uambela Elija, uixi: Kiebhi nguma iami, ua ngi bongo kiá? Kuala muene: Nga ku bongo muene! Mbata eie ua di sumbisa kiá mu kubhanga kiaiibha ku mesu ma Ngana.

I Jisobha 22:27

anga mua kèla: Sobha uambe kiki: Diiala iú mu jikilienu mu kaleia, anga mu mu dikila jinga ni mbolo ia phaxi ni menha ma jingongo, katé eme kioso ki ngiza ni uembu.

I Jisobha 22:8

Bhenhobho sobha ia Izalaiele uambela Jozafate, uixi: Sai hanji muthu umoxi tu tena ku mu tuma ku tu sotela kuijiia kizuelu kia Ngana; maji eme-phe nga dizemba-nê, mukonda eme nuka a ngi zambuila mbote ia kima, kala kuii-bha mu kuiibha ngó; muenʼiú o dijina diê Mika, monʼa Imila. Jozafate-phe, uixi: Sobha kana kuzuela kiokio.

II Jisobha 6:31

Hé uila, uixi: Nzambi a ngi bhange kienʼiki mu luiadi, se lelu mútue ua Ilizeu, monʼa Safate, u subhuka ku thandu diê.

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Nehemiia 9:26

Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Jisálamu 58:11

Bhenhobho athu a kèla, kuma: Kidi muene, sai dilau dia xikamena muthu uaiuka. Mbé kidi muene, sai-ku Nzambi mukua kubatula o milonga mu ngongo.

Izaía 35:6

Kizuuʼokio-phe, inema ia kà tuka-tuka, kala jimbambi; o dimi dia mabubu dia kʼemba; mbata mu kikangalakata mua kà fuafua menha, o mu dinhana mua kà fuafua jingiji.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matesu 5:12

Tanenu-ku mu sanguluke! Kuma kisakidilu kienu hádia ki kala kia dikota mu diulu; mbata ni jipolofeta ja mi diangelele-ku kiene ue kia ji bhangele.

Luka 1:41

Bhenhobho Nzebele ki evu umenekenu ua Madiia, monʼê mu mala ua tuka. Nzebele anga uizala ni Nzumbi Ikôla.

Luka 1:44

Talesa, kia ngi bhixila mu mátui o dízui dia umenekenu ué, mona mu mala diami ua tuka ni kusanguluka!

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Jipoxolo 14:10

Hé u mu ambela ni dizui diasuina, uixi: Balumuka! Imana nzanza! Muene anga u tuka, uimana, hé u mateka kuenda.

Jipoxolo 3:8

Muène bhenhobho anga u tuka, u imana, hé uenda; u bokona-nâ kumoxi mu Tembulu ni kuenda, ni kutuka-tuka, ni kuximana Nzambi.

Jipoxolo 5:41

Ene kieniokio, a tunda bhu pholo ia Kionge kia Jitata ni kusanguluka kuavulu, kuma Nzambi ua a kiti athu a fuama kutambula malebhu mukonda dia dijina didi dia Jezú.

Loma 5:3

Kieniki ngó ki kiene, maji tua sanguluka ue mu jihadi jetu; mukonda tua kʼ ijiia kuila o hadi i bhekela kulolokota;

II Kolindo 12:10

Uila kiki, nga sanguluka muene mu kubhuila ni kulebhuka, ni kubhindama ni ku ngi zukutisa, ni kukala mu ibhidi mukonda dia Kristu. Kuma kithangana ki nga mu bhuila, kiene kia mu ngʼ iza o nguzu.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

II Timote 2:12

Se tua jiji ni kukolokota mu hadi, tua kà hinga-nê kumoxi o ungana. Se etu tua mu ditunu, Muene ue ua kà tu dituna.

Jihebeleu 11:26

O muondo ua Kristu phala muène kota dia nganhu, o jimbongo joso ja Ijitu ndenge. Kuma muène ua tele mesu ku dilau dià keza-ku.

Jihebeleu 11:6

Muthu-phe ua kambe o kuxikana ka tena kuuabhela Nzambi. Kuma uoso uiza kua Nzambi ki kala u xikana kuila sai-ku Nzambi, kuma muène mukua kubhandulula oso a mu sota ni muanu.

Tiiaku 1:2

Enu jiphange jami, kitenu-kiu kuzediua kuoso, se mu bhita ni malamba ma vula o matelu.

I Phetele 4:13

Inda kiosuʼiki-phe a mi bhana-ku mbandu ku jiphaxi ja Kristu, tanenu-ku, phale bhuoso bhua kà tukuluka o fuma iê, enu uenu mua kà tana ni ngalasa iavulu.

Dijingunuinu 2:17

Uoso uala ni dítui, évue kioso o Nzumbi ia Nzambi kia jimbuila o Jingeleja! Uoso u tolola, ngi mu bhana o maná ia kasuèkele. Ngi mu bhana ue kaditadi kazela, ku kaditadi anga kukala dijina diobhe diosoneke, kana muthu u dʼijiia kikale muène ngó a mu bhana-diu.

Dijingunuinu 2:26

Uoso u tolola, u aiuka imbamba iami katé bhu dizubhilu, muenhó kala eme kia ngi bhana ukota ua kutumina kuala Tata iami, eme ue ngi mu bhana ukota ua kutumina akua jixi.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.

Dijingunuinu 21:7

Uoso u tolola, muène ua kà lundula kokuami o ima íii: Eme nga kà mu kala ngi Nzambi iê, muène uà kala monʼami.

Dijingunuinu 3:12

Uoso u tolola, Eme ngi mu bhanga ngùnji i kuatesa o Tembulu ia Nzambi iami, o muene ka kà tunda-mu dingi. Ngi mu soneka o dijina dia Nzambi iami, ni dijina dia mbanza ia Nzambi iami, o Jeluzaleme ia ubhe, i tuluka ku diulu kua Nzambi iami. Ngi mu soneka ue ni dijina diami eme-muène dia ubhe.

Dijingunuinu 3:5

Uoso u tolola, a mu kembesa kiki ni izuatu izela; kana, kana, ki ngi mu jimuna dijina diê mu divulu dia muenhu. Hinu ngi mu fisala dijina diê bhu pholo ia Tata iami, ni bhu pholo ia ji-anju jê, kuila ua ngi tokala.