Luka 6:21 - O Mikanda Ikola

²¹ Mua zediua, enu kiki muala ni nzala, mukonda mua-nda kuikuta. Mua zediua, enu kiki mua-lu dila, mukonda mua-nda kuolela.

Luka 6:21 ပူးပေါင်းရင်းမြစ်များ

Dimatekenu 17:17

Bheniʼobho Mbalahamu u bhetamena bhoxi u olela, anga u amba ku muxima uê, uixi; Kifua muthu uala mu hama ia muvu, hanji dingi a vuala mona? O Sala uala kiá mu makuinhiʼvua a muvu, ua kà bhanga dingi muiji?

Dimatekenu 21:6

Sala anga u amba, uixi: Nzambi ua ngi bhekela jingolela; oso ue a-nda ku kʼivua a-nda kuolela kumoxi nʼeme.

Jisálamu 107:9

Kuma o muẋima ua dinhota, u u bhanga o jivondadi; o muẋima ua nzala, u u ikutisa ni ima iambote.

Jisálamu 119:136

Kisoxi muene kiala ku ngi buabumuka mu mesu kala ngiji, mukonda dia athu kubhumina o ngonge ié.

Jisálamu 143:6

Ngi sunununa o maku mami ko kué, muenhu uami ua ku kala ni dinhota, kala mʼoxi iakukuta. (Selah.)

Jisálamu 17:15

Eme-phe nginda ngi mona pholo ié ni kulúnga; muẋima u ngi zela, hinu ki ngi phaphumuka, mu kutala o kidifanganu kié.

Jisálamu 28:7

Jihova muene nguzu iami, ngubu iami; muẋima uami ua mu dielela muene, eme nga bhanduluka; kia bhangesa muẋima uami kukala ni ngalasa iavulu; ngi kuata muimbu ua ku mu ximana jinga.

Jisálamu 65:4

U zediua muthu uoso eie ua mu solo, anga u mu bhiẋidisa kokué, phala nʼa tunge mu kithâdi kié; mbé tu ikute jinge ni jimboteʼojo ja dibhata dié, ja Tembulu ié ikôla.

Izaía 25:6

O Jihova dia Ilombo, mundu uoso ua-nda ku u bhangela kizokola ku mulundu kuenhuku, ni iama ia nete; kizokola kia vinhu ia kenzuluka, ni malonga a uôngo ua ifuba, ni vinhu ia iuka ia kenzuluka kiambote.

Izaía 30:19

Mbata athu a kà tunga muene mu Ziione, mu Jeluzaleme; kua kà dila dingi, kana; kidi kiene, Muene ua kà ku kuatela henda, kabasa eie udikola, o muene kia ku ivua dízui, uà kuitaia.

Izaía 66:10

Tanenu kumoxi ni Jeluzaleme, sangulukilenu-nê bhuamoxi, oso kiá mua mu zola; izalenu ni kusanguluka mukonda diê, enu-oso mua kexe kudila-nê o jingololo;

Jelemiia 13:17

O kiki se mu kamba ku kʼivua, muenhu uami ua kà didila mu jihota ja di sueka, mukonda dia ku di zangeleka kuenu, mesu mami ma kà dila lujiji, anga ma koboka mu kisoxi, mbata o kilunga kia Jihova a ki ambata ku ubhika.

Jelemiia 31:25

Mukonda o muenhu ua iokojoka nga uʼikutisa, o mienhu ioso iala ni malamba nga i disa í iekuta.

Jelemiia 31:9

À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.

Jelemiia 9:1

Tamanu mútue uami ua bilukile menha, o mesu mami ma bilukile fiẋi ia masoxi! Kienhokio ngeju dila imbi ia kilumba kia mundu uami, muanha ni usuku.

Izekiiele 7:16

Kua kà subhuka ngó oso a kà subhuka momuʼâ, maji a kà di uanena ku milundu uila membe a jihonga, ene oso a kuata o kukema muthu ni muthu, mukonda dia kuiibha kuá.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Matesu 5:4

A zediua adila, mbata Nzambi ua kà a tululula.

Matesu 5:6

A zediua ió, o kubhanga ima ia iuka a ku kuatela nzala ni dinhota, mbata hádia ekuta.

Luka 1:53

Uezalesa akua nzala ni jimbote, o jimvuama ua ji kaie ni maku mòkukutu.

Luka 6:20

Jezú anga u bhetula mesu kuala o jixibulu jê, hé ua ambela, uixi: Mua zediua, enu mu jingadiama, mukonda o Utuminu ua Nzambi uà kala uenu.

Luka 6:22

Mua zediua, athu se a mi zembe, a mi katula mu ukamba uâ, a mi lebhula, a mi texi dijina dienu kuma exi mu athu aiibha, mukonda dia Monʼa Muthu.

Luka 6:25

Lamba dienu, enu kiki muekuta, mukonda mua-ndu kala ni nzala! Lamba dienu, enu kiki mua-lu kuolela, mukonda mua-ndu kala ni kikote ni masoxi.

Nzuá 11:35

Jezú anga u dila.

Nzuá 4:10

Jezú anga u mu vutuila, uixi: Eie se uejidile o ujitu uene mù bhana Nzambi, o ua ku bhingi menha ue, se ua mu ijidile, eie ueji ku mu bhinga muène, nʼa ku bhane menha ma muenhu.

Nzuá 6:35

Jezú ua ambela, uixi: Eme ngi mbolo ia muenhu. Uoso uiza ko-kuami, kà kala dingi ni nzala, o uoso u ngi xikana eme, kà kala dingi ni dinhota.

I Kolindo 4:11

Tua mu tala hadi katé ni kithangana kienʼ iki, tuedi ni nzala, ni dinhota. Tuedi ni kuzuata o makoza, ni kutambula o kibetu. Tua lémbua o kididi kia kidi bhu tu tunga.

II Kolindo 11:27

Mu kukalakala kuavulu, ni mu kuiokojoka. Nga bhiti ma usuku mavulu sé kuzeka. Ngene kutala hadi luavulu ni nzala, mu kuenda ni mbambi, ni tuẋi.

II Kolindo 12:10

Uila kiki, nga sanguluka muene mu kubhuila ni kulebhuka, ni kubhindama ni ku ngi zukutisa, ni kukala mu ibhidi mukonda dia Kristu. Kuma kithangana ki nga mu bhuila, kiene kia mu ngʼ iza o nguzu.

II Kolindo 6:10

Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.

Dijingunuinu 7:16

Ka kala dingi ni nzala mba dinhota. O muanha ki ua kuama dingi, mba kutema kuoso-kuoso.