Luka 6:19 - O Mikanda Ikola

¹⁹ Kifuẋi kioso anga a bhindamena ku mu babata, mukonda mu mukutu uê muala kutunda umbanda, uala ku a saka ene oso.

Luka 6:19 ပူးပေါင်းရင်းမြစ်များ

II Jisobha 13:21

Anga ki bhita kuila, bhua kexi athu a kexile mu ku funda kimbi; o kia mono kibuka kia masoladi, kimbi a ki takuila mu mbila ia Ilizeu; muthu ió kia laukila mu mbila, ua tuta ku ifuba ia Ilizeu, anga u kala dingi ni muenhu, hé u balumukʼé kiá muene ku inama iê.

Matesu 14:36

Ánga a mu dionda phala a mu kuate ngó ku muxiku ua thanga iê. Oso-phe a mu kuata, anga eluka.

Marku 3:10

Kuma ua sakula mundu uavulu, kia bhangesa athu ku mu phopheka, mukonda oso ala ni mabhebhu a-lu sota ku mu kuata.

Marku 5:30

Jezú-phe kithanganʼokio kuma uevu kuila mu mukutu ue mua tundu umbanda, ua sakukila o mundu, uixi: Mukuahi ua ngi babata o kizuatu?

Marku 6:56

Muene bhuoso bhua tula jinga, mu jimbonge ni mu jisanzala, ni ku matutu, jihaxi a ji bheka mu jinzunga, anga a mu dionda kuila a mu kuate ngo ku muxiku ua kizuatu kiê. O oso a mu kuata, anga eluka.

Marku 8:22

Muene anga u bhixila ku Betesáida. Anga a mu bhekela kifuôfo, he a mu dionda ku mu kuata.

Luka 5:17

Kizuua kia mukuá Jezú u kala mù longa. Bhenhobho jifalizeu jimoxi-mu ni jimesene ja Kitumu ja mu xikamena, ja tundu mu jisanzala joso ja Ngalileia, ni ja Judeia, ni ku Jeluzaleme. O nguzu ia Ngana anga i kala ni Jezú mu kusaka o jihaxi.

Luka 6:18

Athu oso enhá eza ku mu ívua ni ku a saka mauhaxi. Oso ue a tate ni jinzumbi jaiibha, anga a kala mú kuiluka.

Jipoxolo 19:12

Katé se jihaxi a ji bhekela malesu, mba jiponda, ja tundu ku mukutu uê, o haxi nʼa ji babata, o kukata kubhua, o nzumbi jaiibha ji tunda.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.