Luka 6:17 - O Mikanda Ikola

¹⁷ Jezú anga u tuluka ku mulundu ni ene, hé uimana bhu kididi kia sokelela, bhua mu bhongolokela o kifuẋi kia dikota kia jixibulu jê, ni athu avulu a tundu ku Judeia ioso, ni ku Jeluzaleme, ni ku ndúndu ia kalunga ku jisanzala ja Tilu ni Sidonha.

Luka 6:17 ပူးပေါင်းရင်းမြစ်များ

Jisálamu 103:3

Muene u ku loloka ituxi ié ioso; hé u saka mahaxi mé moso;

Matesu 11:21

Eie Kolazine, lamba dié! Eie Betesaida, lamba dié! Mukonda o isuma ia di bhange momué, se a i bhangele mu Tilu ni mu Sidónia, hinu a dielediâ ukulu, anga eha o ituxi iâ. O mu ku londekeza kuila a diela, eji kuzuata jisaku ni ku di kuua uthôkua mu mítue!

Matesu 12:15

Jezú-phe, kuma ua kʼijiia, u tunda bhenhobho. O mundu uavulu anga u mu kaiela, muène anga u a saka ene oso.

Matesu 14:14

Jezú anga u tomboloka, u sanga kifuẋi kia dikota, anga u a kuatela henda, hé u saka o jihaxi jâ.

Matesu 15:21

Jezú anga u tunda kuenhoko, uia mu jixi ja Tilu ni Sidónia.

Matesu 5:1

Kia mono o ifuẋi, u banda ku mulundu. O kia zubha kuxikama, jixibulu jê ji mu sanga.

Luka 5:15

Sumbala Jezú uazuela kiki, fuma ie-phe hanji iaii ni kusambuka ku mbandu joso, o ifuẋi iavulu anga i kala mù kuiza ku mu ívua, ni ku a saka o mauhaxi mâ moso.

Luka 6:12

Izuua ieneʼoio Jezú anga uia ku mulundu mu kusamba; anga u fula kilu mu usuku uoso ni kusambela Nzambi.

Luka 6:16

ni Juda dia Tiiaku, ni Juda dia Kadiota, ua-nda ku mu tunda o ufe.

Luka 6:18

Athu oso enhá eza ku mu ívua ni ku a saka mauhaxi. Oso ue a tate ni jinzumbi jaiibha, anga a kala mú kuiluka.