Luka 6:13 - O Mikanda Ikola

¹³ Ki kúkia, anga uixana jixibulu jê, u sola mudiâ kuinhi dia muthu ni kiiadi, anga u a luka uixi: Jipoxolo.

Luka 6:13 ပူးပေါင်းရင်းမြစ်များ

Matesu 10:2

O majina mâ kuinhi dia poxolo ni kiiadi menhama: Ua dianga Ximá, a mu ixana Phetele, ni phangʼ iê Mandele; Tiiaku, monʼ a Zebedeu, ni phangʼ iê Nzuá;

Matesu 19:28

Jezú anga u mu ambela, uixi: Kidi kiene ngi mi ambela, mu kikexilu kióbhe. Monʼa Muthu kia kà xikama ku kialu kia ungana uê, enu uenu mua ngi kaiela, mua kà xikama ku kuinhi dia ialu niʼiadi, mu fundisa kuinhi dia miji niʼiadi ia Izalaiele.

Matesu 9:36

Kia mono ifuxi-phe, u a kuatela henda, mukonda atate, a di mauange kala jimbudi ja kambe mubidi.

Marku 6:30

Jipoxolo anga ji bhongoloka kua Jezú, a mu jimbuila ima ioso ia bhange ene, ni ioso ia longo.

Marku 6:7

Anga u ixana o kuinhi dia xibulu ni kiiadi, u kuata ku a tuma ku ukunji mu kiiadi-kiiadi, ni ku a bhana o kutena kua ku kaia ni kutumina jinzumbi jaxidi.

Luka 11:49

Mukonda dia kiki, Nzambi mu uhete uê uambe kuma: Ngi mi tumikisa jipolofeta ni jipoxolo. Jimoxi mua-ndu ji jibha, o jamukuá mua-ndu ji zukutisa.

Luka 22:30

Phala enu uenu mu-die, mu-nue, ku meza mami mu Utuminu uami, hé mua kà xikama ue ku iandu, phala mu fundise o kuinhi dia miji ni iiadi ia Izalaiele.

Luka 6:14

Ximá, ua mu ixana ue uixi, Phetele, ni Mandele phangiʼê, Tiiaku ni Nzuá, ni Felipe, ni Matulu,

Nzuá 4:33

Jixibulu anga ji di ambela mudiâ, exi: Abha, sai muthu ua mu bhekela kúdia?

Jipoxolo 1:13

O kia zibha kubhiẋila, mu mbonge, a bokona ku onzo ia thandu, kuma o muenhumu muene mua nanga jinga, ni Phetele, ni Tiiaku, Nzuá ni Mandele, Felipe ni Tomé, Matulu ni Matesu, Tiiaku monʼ a Lufeu ni Ximá Zeloto, ni Juda dia Tiiaku.

Efezo 2:20

Enu muedi kala mu inzo iotunge. Mua tunguiua ku thandu dia disesa dia te o Jipoxolo ni Jipolofeta. O Kristu Jezú muene o ditadi dia dikota dia kuatesa bhu thungi ku inzu ienʼ iii.

Efezo 4:11

Muène ua uanena o maujitu ku athu. Amoxi-moxi ua a bhana kukala Jipoxolo; amoxi Jipolofeta; amoxi akunji a kutula o Njimbu Iambote; amoxi jipaxtolo; amukuâ jimesene ja kulonga mu Ngeleja.

Jihebeleu 3:1

Uila kiki, enu jiphange jami mu kuxikana, mua tokala mu kixanu kia Nzambi, talenu kua Jezú a mu tumikisa Nzambi phala kukala Nganga ia Dikota, tua mu fisala mu kuxikana.

II Phetele 3:2

Mbé ki mi bhekele kulembalala jinga maka ma tangele jipolofeta jangene mʼokulu, ni kitumu kia Ngana, o Mubhuludi, kiejila ku jipoxolo jê.

Dijingunuinu 12:1

Anga ku moneka kijimbuete kia kijingano kia dikota ku diulu. Kua tukuluka muhatu. Dikumbi diene o kizuatu kiê, o mbeji ia mu kala bhoxi dia inama iê, o ku mútue uê kuala kitundu kia kuinhi dia théthembua ni jiiadi.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 21:14

O mbanza, kimbaka kie kiò tunge ku disèsa dia kuinhi dia ditadi ni kiiadi, o ku matadi anga a soneka-ku o kuinhi dia majina ni kiiadi a jipoxolo ja Kambudi.