Luka 6:1 - O Mikanda Ikola

¹ Kizuua kiamukuá, kia sabhalu, Jezú u kala mùbhita mu mabhia ma tiliku. O jixibulu jê anga ji tolola tu mitue tua tiliku, a tu xokota ni maku, a tu dia.

Luka 6:1 ပူးပေါင်းရင်းမြစ်များ

Makatukilu 12:15

O jimbolo ja kambe o felemendu mu ji dia mu sambuadi dia izuua; tunde kiá kizuua kiene kia dianga, felemendu ioso i bhua-mu mu jinzu; kuma uoso u dia jimbolo ja felemendu tunde kizuuʼokio kia dianga katé kizuua kia kasambuadi, muenhó muthu ua ku mu batula mu undandu ua Izalaiele.

Ijila 23:15

Tunde-phe kiá mu kizuua kia kaiela ku sabhalu iii, kizuua ki mua bhukila o kita kia mutômo ua ibundu ia samba-tènde, matekenu kiá kukondala; mu bhitisa sambuadi dia jisemana jamuvimba.

Ijila 23:7

Mu kizuua kiadianga mu kala ni kionge kikôla; ki bhu kale kututumba ni midimu iengi ioso-ioso.

Luka 5:39

Kana muthu ue uanu vinhu iòkulu, kindalʼiki, hé uinda kiá iòbhe. Mukonda uila, uixi: Iòkulu iala kota mu kuuabha.

Luka 6:6

Mu Sábhalu iamukuá ue, Jezú u bokona mu dilombe, anga u kala mù longa. Bhenhobho anga bhu kala muthu, o lúkuaku lua kadilu lua mu kukuta.

Matendelelu 16:9

Kienhókio u kondala-phe kiá sambuadi dia semana, u andekela bhu kizuua kia kuila omvo a i te kiá mu mábhia, phala kumateka kumuna, anga eie uandeka kukondala sambuadi dia semana.

Matendelelu 23:25

O kiu kutuka mu díbhia dia mukuenu, bukula ngó ni maku o mítue ioso ia masa iasoko ni udile nzala ié; kana kukuata omvo mu kumuna iadimi mukuenu.