Luka 5:8 - O Mikanda Ikola

⁸ Ximá Phetele-phe kia ki mono, u fukama bhu inama ia Jezú, uixi: Ngi tundile, Ngana, bhu mbandu iami, mukonda eme ngi mukua ituxi.

Luka 5:8 ပူးပေါင်းရင်းမြစ်များ

II Samuuele 6:9

Davidi anga u kala ni uoma uavulu ua Jihova kizuua kienhokio, uixi: Álaka ia Jihova ia-nda kuiza kiebhi bhu ngalʼeme?

I Jisobha 17:18

Bhenhobho muhatu uambela Elija, uixi: Kima kiahi ki nga ku bhange eie u muthu ua Nzambi, tata? Kiene ki uejiia ko kuami, mbé o ku ngʼidikiza kituxi kiami ki nga jimbile, ni ku ngi jibhila monʼami, kuambe?

Jobe 40:4

Ngana, eme nga bolo; ngi ku vutuila kima kiahi? Ku dikanu diami ngi ta-ku o lukuaku luami.

Makatukilu 20:19

Anga ambela Mozé, exi: U tu zuelesa eie, tu ku ivue; kana dingi Nzambi ku tu zuelesa, phala ki tu fue.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Matesu 17:6

Jixibulu kia kʼivu, a di bhala jipholo bhoxi, uôma uavulu ua a kuata.

Matesu 2:11

Anga a bokona mʼonzo, hé a sanga kamona ni Madiia mamʼâ; anga adibhala, hé a mu sambela. O kuila a jikula mu imbamba iâ, a mu bhanga ujitu, ni ulu, ni uasu ua dizumba ua libana, ni uamukuá ua sumuna; a mu bhana.

Matesu 8:8

Kuala kabhitangu: Kana Ngana! Eme ki ngi tokala eie ni u bokone mʼ onzo iami. Kabasa eie u bhana kizuelu kimoxi, selevende iami u iluka.

Luka 5:7

Anga a bhalula akuá ala mu bote ia mukuá, nʼeze ku a kuatekesa. Anga eza, ezalesa bote jiiadi joso katé ja kambe kòfele mu kuboba.

Luka 5:9

Mukonda Ximá kimbuua kia mu kuata, kumoxi ni akuá oso aia-nê, mukonda dia jimbiji jafu mu uanda.

Nzuá 11:32

Madiia-phe kia bhixila bhoso bhala Jezú, kia mu mono, u fukama bhu inama iê, uixi: Ngana, eie se ua kexile-bhu, phangʼ iami hinu kàfu!

I Kolindo 13:12

Ki tualʼ iki tu muena mu lumuenu lua fefetela, maji kithanganʼ okio-phe tua kà mona pholo ni pholo. Kiki ngejiia ngó mbandu, kienhokio-phe nga kèjiia kiambote, uila eme-muène ki a ngʼ ijiia kuala Nzambi.

Dijingunuinu 1:17

Ki nga zubha ku mu mona, nga di bhale bhu inama iê kala muthu uafu. Muène-phe anga u ngi tula lúkuaku luê lua dilu ku thandu, uixi: Ku kale ni uôma! Eme nga Dianga, eme nga Sukidila.

Afundixi 13:22

Manoua anga u ambela mukajiʼê, uixi: Tua-ndu fua, mukonda Nzambi tua mu mono mesu.

I Samuuele 6:20

Akua Bete-seme anga a zuela, exi: Nanhi u tena kuimana bhu pholo ia Jihova Nzambi i kôla kiki? O muene kutunda bho-bhuetuʼabha, uia kua nanhi?