Luka 5:32 - O Mikanda Ikola

³² Eme ki ngeza mú kuixana athu aiuka, ngeza mú kuixana akua-ituxi, nʼa diele ituxi iâ.

Luka 5:32 ပူးပေါင်းရင်းမြစ်များ

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Marku 15:10

Kuma muene ua mono kuila, o jinganga ja makota, Jezú a mu thelekala kokue mukonda ngo dia ku mu kuatela luma.

Marku 15:7

Kienhokio anga kukala pelezo, dijina die Balaba, a mu kuika kumoxi ni akua a balukile-nâ, o mu kubaluka kua, a te kijibha.

Marku 2:17

Jezú kia zubha ku kʼivua, uixi: Athu a disanze ki ene a bhindamena o kimbanda; kikale o jihaxi. Athu ue aiuka, ki ene u ngeza mu ku a exana kudiela, maji akua ituxi.

Luka 15:10

Nga mi ambela kuma, kiene ue, o kusanguluka kuvula ku pholo ia ji-anjo ja Nzambi, mukonda dia mukua-ituxi umoxi u diela.

Luka 15:7

Nga mi ambela, kuma kiene ue ku diulu, o kusanguluka kuâ kuvula dingi, mukonda dia muthu umoxi ua diela ituxi iê, ki ki soko ni makuinhʼivua a muthu nʼivua aiuka, ka bhingi dingi kudiela.

Luka 19:10

Mukonda Monʼ a Muthu ueza mu kusota ni kubhulula kioso kia jimbidila.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Luka 5:31

Jezú anga u a vutuila, uixi: Oso a disanze ka bhindamena kimbanda (musaki), a mu bhindamena ió a kate.

Luka 5:33

Ene anga a mu ambela, exi: Jixibulu ja Nzuá ene mú fula kúdia ni kúnua, nʼa nange mu kusamba; jixibulu ja jifalizeu ue kiene; eie-phe jixibulu jé ki ji fula dingi kúdia ni kúnua.

Jipoxolo 17:30

Mu jithembu ja kukamba ku kʼijiia, Nzambi ua dixibhidiê. Maji o kiki-phe ua tumu athu oso mu ngongo kudiela ni kueha o ituxi iâ.

Jipoxolo 2:38

Kuala Phetele: Dielenu, nda a mi batizale enʼ uenu oso, mu dijina dia Jezú Kristu, phala o ituxi ienu a mi loloke-iu, anga mu tambula kua Tata o ujitu ua Nzumbi Ikôla.

Jipoxolo 20:21

Ngʼedikiza jinga ni Jijudé ni Jingeleku, kuma a bhingi kudiela ni kueha o ituxi iâ bhu pholo ia Nzambi, ni kuxikana kua Ngana ietu Jezú Kristu.

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

Jipoxolo 3:26

Kienʼiki, Nzambi ua solo Mubhikʼê Jezú, iu ua tuama ku mu tumikisa kokuenu, mbé o ku mi zediuisa, phala o muthu ni muthu mudienu, muène a mu ehese o muenhu ua ku ta ituxi.

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

II Phetele 3:9

Ngana kala ni kaxixi mu kubhitisa kizuelu kiê, uila amoxi ki a mu fika kaxixi. Oko ki kiene, kuma enu-phe a mi xididikila, mukonda muène ka mesena kuila ku kala muthu u texika, mbata ua mesena ene oso eza mu kudiela.