Luka 5:27 - O Mikanda Ikola

²⁷ Kia bhiti ima iíi, Jezú u tunda, anga u sanga mukua kutambula lubhaku, dijina diê Levi, ua xikama bhu kididi kia kutambuila o lubhaku, anga u mu ambela, uixi: Ngi kaiele.

Luka 5:27 ပူးပေါင်းရင်းမြစ်များ

Matesu 10:3

Felipe ni Matulu; Tomé, ni Matesu dia mukua kutambula lubhaku; Tiiaku, monʼ a Lufeu, ni Tadeu.

Matesu 16:24

Kienhókio Jezú u ambela jixibulu jê, uixi: Se muthu ua mesena ku ngi kaiela eme, a di fule o kudibanza muène-muene, a zangule dikulusu diê, a ngi kaiele.

Matesu 8:22

Kuala Jezú: Ngi kaiele eme; eie ehela afi mu afi a fûnde akuâ.

Marku 3:18

ni Mandele, ni Felipe, ni Matulu, ni Matesu, ni Tomé, ni Tiiaku dia Lufeu, ni Tadeu ni Ximá mukua Kanana

Luka 18:22

Kia kʼivu, Jezú u mu ambela, uixi: Kua ku kambe hanji kima kimoxi: Sumbisa ioso i uala na-iu, o kitadi u ki uanene o jingadiama, phala u kale ni jimbongo mu diulu. Nda uize kiua, u ngi kaiele eme.

Nzuá 1:43

Kúkia ni kimene, Jezú uandala kuia ku Ngalileia. Anga u tuama kusota Felipe, hé u mu ambela, uixi: Ngi kaiele.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.