Luka 5:26 - O Mikanda Ikola

²⁶ Oso muene anga a bhuuama, a kala mù ximana Nzambi; anga a zuela ni uôma uoso, exi: Lelu tua mono madiuanu!

Luka 5:26 ပူးပေါင်းရင်းမြစ်များ

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Matesu 12:23

Athu oso anga a diuana, exi: Kífua, ki muenhú Monʼa Davidi?

Matesu 28:8

Ene anga a katuka lusolo bhu mbila, ni uôma ni ngalasa iavulu, anga a lenga mu tudila jixibulu jê.

Matesu 9:8

O mundu-phe, kia ki mono, uôma u a kuata, anga a ximana Nzambi ua bhana athu o nguzu kala kiki.

Marku 2:12

Muéne anga u balumuka, kithanganʼokio, u zangula muanza, anga u tubhuka bhu pholo ia ene oso. Ene oso anga a diuana, hé a ximana Nzambi, exi: Kienhiki kiluua tu ki mona.

Luka 1:65

Jinzukame jê, ene oso a tungu bhobho, uôma anga u a kuata. Ima ioso iíi anga i fumana mu milundu ioso ia Judeia.

Luka 5:8

Ximá Phetele-phe kia ki mono, u fukama bhu inama ia Jezú, uixi: Ngi tundile, Ngana, bhu mbandu iami, mukonda eme ngi mukua ituxi.

Luka 7:16

Uôma anga u a kuata ene oso, a kala mu tondela Nzambi, exi: Mueza polofeta ia dikota mu ʼaxaxe ketu! Nzambi a tane-ku! Ua zungila o kifuẋi kiê!

Luka 8:37

Akua ʼxi iosuʼoio ia Ngandala anga a bhinga Jezú kutunda bhu mbadu jâ, kuma uôma uavulu ua a kuata. Jezú bhenhobho anga u di longa mu bote, u vutuka.

Jipoxolo 4:21

Ene kia zubha ku a kusa dingi, a eha. Kuma ka bongo-bhu kikuma kia a bhela kaxtiku, mukonda dia uôma ua mundu. Mbata o kia bhangʼiki athu oso a mu ki ximanena Nzambi.

Ngalásia 1:24

Anga a kala mù ximana Nzambi, mukonda diami.