Luka 5:24 - O Mikanda Ikola

²⁴ Phalʼenu-phe mu kʼijiie kuma eme ngi Monʼa Muthu ngala ni kutena mu ngongo, kua kuloloka o ituxi, eie u haxi: Balumuka, u zangule hama ié uie ku bhata dié.

Luka 5:24 ပူးပေါင်းရင်းမြစ်များ

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Daniiele 7:13

Talesa, eme-phe ki nga kuata muene kutala, mu isuma iami ia usuku, nga mono ku matuta ma diulu kua-lu tuluka kala Monʼa muthu ua mu kuiza; iú ua bhiẋi la kua Mukula-ua-Ndamba, anga a mu bhiẋidisa bhu pholo iê.

Matesu 16:13

Kiki kieza Jezú mu jimbandu ja Sezaleia ia Felipe, uibhula jixibulu jê, uixi: Eme, Monʼa Muthu, athu ala ku ngʼila kuma eme nanhi?

Matesu 25:31

Mu kuzubha maka Jezú uixi: Kià keza Monʼa Muthu-phe, ni ungana uê, kumoxi ni ji-anju joso, ua kà xikama ku kialu kiê kia ungana.

Matesu 26:64

Jezú u mu ambela uixi: Eiemuène ua ki tange, kiene muene. Ngi mi ambela dingi-phe: Hinu mua kà mona Monʼa Muthu ua xikama ku madilu ma Nzambi ua Tena-ioso, iú tuluka mu kuiza ku matuta ma diulu!

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Matesu 9:6

Phala enu-phe mu kʼ ijiie kuma monʼ a Muthu uala ni nguzu mu ngongo ia kuloloka ituxi, u ambela o haxi ia kila, uixi: Balumuka, zangula hama ié, uie ku bhata.

Luka 5:13

Jezú anga u sunununa lúkuaku, u mu babata, uixi: Nga mesena muene, disanze. Kithanganʼokio kikunzu kiê kia-bhu.

Luka 5:18

Anga bhu tukuluka athu, o mukuá uala haxi ia kila, a mu ambatela bhu hama iê; anga a sota kubokona-nê mʼ onzo nʼ a mu tule bhu inama ia Jezú.

Luka 5:23

Kiauabha-bhu o ku ki bhanga, kiebhi? O kuila: Ituxi ié iòloloke, inga o kuila: Eie balumuka, u ende?

Luka 7:14

Anga u bhixila hé u kuata ku ditumba. O ió oso a di ambata, anga emana. Uixi-phe: Eie kaiala, nga ku ambela: Balumuka!

Luka 8:54

Muène-phe, uaii, u mu kuata mu lúkuaku; ni dízui dia suina, u mu handekela, uixi: Monʼa Kilumba, balumuka!

Nzuá 11:43

Kia zubha o kuzuela kiki, ua di kola ni dízui dia suina, uixi: Lázalu, tunda ku kanga!

Nzuá 17:2

Mbata o Mona ua mu bhana ungana ua kutumina athu oso, phala oso ua mu bhana-nâ, muène a a bhane o muenhu ki uábhua.

Nzuá 3:13

Kana-ku dingi muthu ua bandele bhulu, kikale ngó ió ua tundu bhulu, muène Monʼ a Muthu, mukua diulu.

Nzuá 5:27

Iu ua bhana Mona o kutena kua kufundisa, mukonda muène Monʼ a Muthu.

Jipoxolo 14:10

Hé u mu ambela ni dizui diasuina, uixi: Balumuka! Imana nzanza! Muene anga u tuka, uimana, hé u mateka kuenda.

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

Jipoxolo 9:34

Phetele anga u mu ambela, uixi: Eneia, Jezú Kristu ua ku sake. Balumuka, u bhange o hama ié. Muène kithanganʼ okio u balumuka.

Jipoxolo 9:40

Phetele-phe ua tumu ku a tundisa ene oso, anga u fukama, u samba. Anga u lunguluka kuala o kimbi, uixi: Tabita, balumuka! Muêne anga u tona o mesu, o kia mono Phetele, u bhetuka, hé u xikama.

Dijingunuinu 1:13

O uala muʼaxaxe ka tundeia, ua di fuangana kala Monʼa Muthu, ua di vungu kizuatu kia mu tuluka katé mu inama, iu ua di kutu phonda ia ulu mu thulu.