Luka 5:22 - O Mikanda Ikola

²² Jezú-phe kievu o kulongolola kua miẋima iâ, u a vutuila, uixi: Jiphata jahi, ji mua kuata ku miẋima ienu?

Luka 5:22 ပူးပေါင်းရင်းမြစ်များ

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

Jisálamu 139:2

Ua ngʼijila ni kuxikama kuami ni kubalumuka, o ilunji iami ni mu kanga muná ia ku jimbulukila kiá.

Jisabhu 15:26

Jindunge joso ji funha o muthu uabhumu, ji di bhanga isunji kua Jihova; maka-phe ma athu zele o muẋima, mene ku mu uabhela.

Izaía 66:18

Mbata o ima iâ ia bhanga nga ʼijiia, katé ni ixinganeku iâ! Thembu ii iza-bhu, nga-nda kubhongolola miji ioso ni madimi; a-nda kuiza, anga a mona kijingo kiami.

Izekiiele 38:10

O Jihova Nzambi uambe kiki: O mu kizuuʼomo kia kà bhita kuila o ku muẋima ué ua kà kala ni ixinganeku, hé ua kà funha kima kia ibha.

Matesu 12:15

Jezú-phe, kuma ua kʼijiia, u tunda bhenhobho. O mundu uavulu anga u mu kaiela, muène anga u a saka ene oso.

Matesu 12:25

Jezú-phe kuma uejiia ioso iala kubanza, uixi: Kilômbo kioso kia sobha se kia di balukila ene mudiâ, kindala ki muangana; mba sanzala ioso, mba dibhata, se a di balukila ene mudiâ, dibhata diodio ki di tungu.

Matesu 9:4

Jezú kuma uejiia mabanzelu mâ, uixi: Phala-hi muala mu xinganeka kiaiibha mu miẋima ienu?

Marku 8:17

Jezú kia kʼivu, uixi: Muala ku di fetela-hi, mukonda mua kambe jimbolo? Kífua kiluua muíʼvua? Kiluua muʼijiia? Hanji mua xiti mu thulu? Imʼiíi ki ia mi tetulukila luua?

Luka 24:38

Jezú anga ua ambela, uixi: Mukonda diahi, mua sasumuka? Mu kuatela-hi jiphata, mu miẋima ienu?

Luka 5:21

Jimesene ja Kitumu ni jifalizeu anga a kuata kudiodia mudiá, exi: Nanhiʼú u tanga o isunji ia difu kiki? Kana-ku dingi muthu u tena kuloloka ituxi, kikale Nzambi ngó ubheka uê!

Luka 5:23

Kiauabha-bhu o ku ki bhanga, kiebhi? O kuila: Ituxi ié iòloloke, inga o kuila: Eie balumuka, u ende?

Jipoxolo 5:3

Kuala Phetele-phe: Eie Ananiia, Satana ua ku funhisa kiebhi o muẋima, phala ute makutu kua Nzumbi Ikôla? Eie ihi ia ku bhakesa o mbandu ia mukuá, ku kitadi kia tundu mu kusumbisa oxi?

Jihebeleu 4:12

Kuma o kizuelu kia Nzambi kima kia muenhu, ki ala ni kutena. Kia beta kutua o xibhata ia mazu a iadi ndenge. O kubatula kuê, ki sesa ni muenhu, ni nzumbi, ni masokuelu, ni uongo ua ifuba. Ki tungula ni jivondadi, ni mabanzelu ma miẋima ia athu.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.