Luka 5:21 - O Mikanda Ikola

²¹ Jimesene ja Kitumu ni jifalizeu anga a kuata kudiodia mudiá, exi: Nanhiʼú u tanga o isunji ia difu kiki? Kana-ku dingi muthu u tena kuloloka ituxi, kikale Nzambi ngó ubheka uê!

Luka 5:21 ပူးပေါင်းရင်းမြစ်များ

Jisálamu 103:3

Muene u ku loloka ituxi ié ioso; hé u saka mahaxi mé moso;

Jisálamu 130:4

Maji eie-phe, u Ngana, u mukua kuloloka, phala athu ende jinge ni ku ku xila.

Jisálamu 32:5

Ngixi-phe: Kota ngi di xikina kituxi kiami ko koué, o kuêla kuami ki ngi ku sueka; o ki ngedi ngi fisala kutondala kuami kua Jihova, eie kindala ua ngi loloka o kituxi ni mulonga.

Jisálamu 35:5

A kale mukua ni ibhiate iala kuphephuluka ni kitembu; anjo ia Jihova aie ni ku a kaia.

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Izaía 43:25

Eme, eme-muène ngi jimuna o itondalu ié mu henda iami; o ituxi ié ki ngi i banze dingi.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Daniiele 9:19

Eie Jihova, tata, ivua! Eie Jihova, tata, loloka! Eie Jihova, tata, tu suue, u sakalale mu kalakala, kana kukokoloka! Nga ku bhingi mu dijina dié eʼmuene Nzambi iami, tata; kuma diembu dié ni mundu ué afumana kuma a kutokala.

Daniiele 9:9

Maji eie Jihova, Nzambi ietu, momué muene ku kuatela henda ni kuloloka; oko etu tua mu kitukila muene!

Ijila 24:16

Uoso ue u ẋonguena o Dijina dia Jihova, ió ni kidi, afue muene; o kionge kioso ki mu bûbe ni matadi; kixi muthu uatundu kuengi, kixi mukua-bhata muene, se nʼa ẋonguena o Dijina dia Jihova, a mu jibhe muene.

Mikeia 7:19

Muene ua kà tona dingi o ku tu kuatela henda; milonga ietu ua kà i titidila muene bhoxi dia inama iê anga u i jimba kiá, o ituxi ietu ioso anga ua kà i texi muʼalunga mua zongo!

Matesu 26:65

Nganga ia dikota anga u tandujula izuatu iê, uixi: Muène ua ẋonguena Nzambi! Umbangi uahi dingi ngó u tua bhindamena? Talesenu, dixongo diê enuʼenu mua dʼivu bhenhabha!

Matesu 9:3

Bhenhobho asoneki amoxi, a kuata kudiodia, exi: Ialʼ ú, uala mu tanga isunji kua Nzambi!

Luka 3:8

Imenu-phe ibundu ia fuama i tunda mu kudiela. Ki mu kale mu kuila ku miẋima ienu, muexi: Etu tuala ni tatʼetu Mbalahamu. Mbata Eme ngi mi ambela kuma, Nzambi u tena kutundisa mu matadiʼama anʼa Mbalahamu!

Luka 5:17

Kizuua kia mukuá Jezú u kala mù longa. Bhenhobho jifalizeu jimoxi-mu ni jimesene ja Kitumu ja mu xikamena, ja tundu mu jisanzala joso ja Ngalileia, ni ja Judeia, ni ku Jeluzaleme. O nguzu ia Ngana anga i kala ni Jezú mu kusaka o jihaxi.

Luka 5:22

Jezú-phe kievu o kulongolola kua miẋima iâ, u a vutuila, uixi: Jiphata jahi, ji mua kuata ku miẋima ienu?

Luka 7:49

Ene a xikama-nê ku meza, anga a kuata ku di ambela moxi, exi: Nanhi muenhú, katé ni ituxi u i loloka?

Nzuá 10:33

Jijudé ji vutula, exi: Ki tu ku jibhila kikalakalu kiambote, kana! Maji mukonda dia kubhuma, mbata mu kuzuela kiki, eie ua ẋonguena Nzambi. Mukonda eie u muthu ngó, maji ua mu di bhanga u Nzambi.

Loma 8:33

Nanhi u ta mulonga ua kima kua athu a Nzambi òsole? Muène Nzambi ua a lungisa kuamba kala ni kikuma.