Luka 5:2 - O Mikanda Ikola

² Muène anga u mona bote jiiadi jala bhu kibumu kia kizanga; atona-phe a tundu-mu, ala mù sukula o manda mâ.

Luka 5:2 ပူးပေါင်းရင်းမြစ်များ

Matesu 4:18

O kia kala mu kuenda bhu mbandu ia kizanga kia Ngalileia, u mona jiphange jiiadi, Ximá, a mu ixana Phetele, ni ndenge iê Mandele, ala mu takula uanda mu menha, kuma atona a jimbiji.

Matesu 4:21

Ki ende-ku dingi ka dikanga, u sanga jiphange jiiadi jamukuá, Tiiaku dia Zebedeu, ni ndenge iê Nzuá, ala mu bote ni tatʼ â Zebedeu, ala mu banda o manda mâ; muène anga u a exana.

Marku 1:16

O kia kexi kubhita bhu mbandu ia kizanga kia Ngalileia, u mona Ximá, ni Mandele, phange ia Ximá, ala mu ta uanda mu menha, kuma atona a jimbiji.

Marku 1:19

Kuenda-ku dingi kadikanga, u mona Tiiaku monʼa Zebedeu, ni phangʼiê Nzuá, ala ue mu bote mu banda o manda.

Luka 5:1

Kizuua kia kala Jezú bhu mbandu ia kizanga kia Jenezalé, kifuẋi ki mu bhaka bhu ʼaxaxe, eza mù kuívua o maka ma Nzambi.

Luka 5:3

Muène anga u di longa mu bote imoxi, ia Ximá, u mu bhinga kusondoloka, ku kibumu uxa-ku kadikanga kòfele; anga u xikama mu bote u kala mù longa o kifuẋi kiemana ku kibumu.

Nzuá 1:40

Ku kiiad ʼiki, evu Nzuá kuzuela, anga a kaiela Jezú, muthu umoxi Mandele, phange ia Ximá Phetele.