Luka 5:14 - O Mikanda Ikola

¹⁴ Bhenhobho Jezú u mu ambela, uixi: Kiki ku ki tangele muthu. Maji ndé kua nganga, u mu bhinge kuila a ku kengelele kiambote. Eie nda u bhange kiua o ujitu kala kia tumu Mozé mu Kitumu, mbé o ku dʼidikiza kua ene oso kuila ni kidi muene eie ua di sanze.

Luka 5:14 ပူးပေါင်းရင်းမြစ်များ

Ijila 13:2

Se umona muthu, kikonda kiê kia fuluma, mba kua muiza kasanga-dimbu, mba-phe kijêla kia zele phéé, kia tula ku kikonda kiê kala dife dia dibhute, aie-nê-phe kiá kua Alá, o nganga, mba ku muthu umoxi ku anʼê, ala jinganga,

Ijila 13:49

o jidinha jóleke ngó, mba thanga iótunge kiá, mba kima kiʼókalakale ni ibha, anga u i mona ia kondoka, hé i kituka kiangu kia uisu mba ikusuluka, diódio-phe dibaka dia dibhute dia tula-ku, idikizenu-iu kua nganga.

Matesu 10:18

Katé muene ni bhu pholo ia jinguvulu ni enexi a kà mi bheka-bhu mukonda diami, mu ku a bhana o umbangi ua Njimbu Iambote, ni ene ni akua jixi jengi.

Matesu 12:16

U kala-phe mu ku a tendelela kuila ka mu fumanese;

Matesu 8:4

Jezú anga u mu ambela, uixi: Aiuka, kana ku ki tangela muthu. Ndeie-phe, ua kà di tukuluile kua nganga, mbé ua kà bhane ujitu ua tumu Mozé, phala a ki tambule umbangi kuila eie ua disanze.

Matesu 9:30

O mesu mâ anga ma jikuka. Jezú anga u a tendelela, uixi: Alukenu, ki mu kʼijidise muthu.

Marku 1:44

Aiuka, ku ki zuele ni muthu uoso-uoso; ndeie-phe kua nganga, ua ká dʼidikize, o muéne a ku kengelele mukutu ué. Kienhókio ka ká bhakule mu kudisanza kué o sata ioso ia tumine Mozé, phala ene a ki tambule umbangi, kuila eie uadisanze.

Marku 6:11

Bhuoso-phe bhua kamba ku mi tambulula, ni ku mʼívua, ki mu tunda-bhu mu a kukumuina fufuta ia mi naminina ku inama, mu ku a bhana umbangi ua kuela kua. Kidi kiene ngi mi ambela, kuma akua Sodoma ni Ngomola a ka beta ku a lendukila mu kizuua kia kufundisa, akua kididi kiokio kana.

Luka 17:14

Muène kia a mono, uixi: Ndenu kà dʼ idikisienu ku jinganga, phala ene a mi kengelele kiambote. Akua kikunzu kia katuka mù kuia, o kutula mu njila, eluka.

Luka 5:13

Jezú anga u sunununa lúkuaku, u mu babata, uixi: Nga mesena muene, disanze. Kithanganʼokio kikunzu kiê kia-bhu.

Luka 9:5

Oso-phe a kamba ku mi tambulula, ki mu katuka mu mabhatʼomo, mua kà a kukumuina o mavu a mi naminina ku inama ienu, mu ku a bhakela umbangi.