Luka 4:6 - O Mikanda Ikola

⁶ Anga u mu ambela, uixi: Ngi ku bhana o ukota uoso ni maungana ma jixi joso jiji, mukonda eme-muène a ngi bhakuila na-mu; uoso eme nga mu andala, muène ngi mu bhana na-mu.

Luka 4:6 ပူးပေါင်းရင်းမြစ်များ

Estere 5:11

Hamane anga u a tangela o fuma iê ia jimbongo jala naju, ni kusokoloka kuê kua kuvuala ana avulu, ni kijingo kioso kia mu bhana muenexi, ni ditala dia mu tula, jifixiiadi joso ndenge ni akua mbèle oso ku mbanza.

Izaía 23:9

O Jihova dia Ilombo Ieta, muene ua ki bhange, phala kutununa o izala ia makembu osuʼó, ni kusebukisa oso a beta ulamba bhoxiʼabha.

Izaía 5:14

Kiene kia bhangesa o mbila kuvudisa o hánji iê, ni kujikula dikanu diê sé mbambe; ni kijingo kiâ ni kifuxi kiâ uâ, ni makembu mâ, ni oso a kexe mu kutana muʼaxaxi kâ, a kulumuka mu bòmbo dia kalunga.

Luka 4:7

Kala kiki, se u ngi bheza bhu pholo iami, moso muene ma kala mê-eie.

Nzuá 12:31

O kithangana kia kufundisa o mundu iú, kieza-bhu kiá. O sobha ia mundu iú a-nda ku mu kaia.

Nzuá 14:30

Ki ku ngi xala dingi kuzuela kithangana kiavulu ni enu, kuma o sobha ia mu tumina mu ngongʼ umu iu bhixila kiá; muene-phe ka ngi lende ni kima.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

II Kolindo 11:14

Ki kima kia ku di uana. Kuma katé ni Satana mukuâ ku di bhangesa kala anju ia mukengeji.

Efezo 2:2

Mu thembuʼ omo enu muene mu mua kexile mù kuendela kala ki tuma ngana ioio iavu o utuminu uê mu dimbinza muene o nzumbi kindala iala moxi dia ana abhukumuka, a kamba kutumaka Nzambi.

I Phetele 1:24

Kala ki ambe o Mikanda Ikôla, kuma: Athu oso mukuá ni iangu ia mukau, o unéne uâ; kuuabha kuê kua kitulu kia iangu. O iangu i lela, o itulu i lalumuka,

I Nzuá 5:19

Tua kʼijiia kuma etu tua tokala Nzambi, maji o mundu uoso-phe ua zeka mua Kadiaphemba ió mukua kutondalesa.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 13:2

Kiama ki nga mono, kidifua kiê kala ongo, o inama iê kala kitôto, o dikanu diê kala dikanu dia hoji. O mudikixi muène ua bhana o kiamʼiki o kutena kuê, ni kiandu kiê, ni ungana uavulu.

Dijingunuinu 13:7

A mu bhana ue ukota ua kùlua ni akua-Ngana, ni ku a tolola. A mu bhana ungana ua kutumina o miji ioso, ni madiembu, ni madimi, ni ifuẋi ia athu a ikonda ioso mu ngongo.