Luka 4:43 - O Mikanda Ikola

⁴³ Muène-phe ua ambela, uixi: Kua ngi bhingi ue kuia kukola o Njimbu Iambote ia Utuminu ua Nzambi mu jisanzala jamukuá, kuma kiene kia ngi bheka.

Luka 4:43 ပူးပေါင်းရင်းမြစ်များ

Izaía 48:16

Ngi zukamienu, muivue kiki: Tundé mu dimatekenu ki ngi fueta, kana; maji tundé bhaná bhu kia di-bhangela, eme bhene bhu nga kexe; kindala-phe Muadi Jihova, ua ngi tumikisa o Nzumbi iê.

Matesu 4:23

Jezu anga u nhunga Ngalileia ioso ni kulonga mu malombe mâ, ni kuta Maka ma utuminu ua Nzambi, ni ku saka jihaxi ni inema muʼ axaxi ka mundu.

Marku 1:35

Mu kimene-phe, kuila kuma hanji kua vundu, ua di meneka mu iangu mu kusamba.

Nzuá 20:21

Jezú anga ua ambela dingi, uixi: O uembu u kale ni enu! Kala kioso Tata kia ngi tumu eme, kiene ue ki nga mi tumu enu.

Nzuá 9:4

Kioso ki kuala hanji muanha, kia ngi bhingi kubhanga o ikalakalu ia ió ua ngi tumu. Mukonda usuku iú uiza, mua bhingi kana muthu utena kukalakala-mu.

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.