Luka 4:42 - O Mikanda Ikola

⁴² Kuma ki kuákie, Jezú u tunda mu mbonge, hé uia kididi kia ubheka. Mundu anga a kala ku mu sota, anga a mu sanga, a mesena a mu kuata, phala ka tunde dingi bhu mbandu iâ.

Luka 4:42 ပူးပေါင်းရင်းမြစ်များ

Marku 1:45

Maji muéne-phe kia zubha kutunda-bhu, u kuata ku ki fumanesa, ni ku ki bhela jingolokela kuene kuoso; kia bhangesa kuila Jezú ka tenene kubokona dingi mu mbonge ioso-ioso, maji u kala mu tula ku kanga ku mikáu. Athu anga aia ni kutunda ku mbandu joso, a mu sanga koko.

Luka 24:29

Ene-phe a mu jijila, exi: Xala bhabha ni etu; mukonda ngoloxi ieza, o kumbi dia lèmbe kiá. Muène anga u bokona phala kuxala-nâ.

Luka 6:12

Izuua ieneʼoio Jezú anga uia ku mulundu mu kusamba; anga u fula kilu mu usuku uoso ni kusambela Nzambi.

Nzuá 4:34

Jezú ua ambela, uixi: Kúdia kuami, o kubhanga vondadi ia ió ua ngi tumu, ni kuzubha o kikalakalu kiê kia ngi bhana o kubhanga.

Nzuá 4:40

Ene akua Samádia kia zubha kusanga Jezú, a mu dionda kuxala-nâ. Muène anga u xala-nâ izuua iiadi.

Nzuá 6:24

athu kia mono kuma ni Jezú ni jixibulu jê, ene oso kala-bhu, ene a di longa ue mu jibâlukuʼ iji, anga aia mu Kafanau mù sota Jezú.