Luka 4:40 - O Mikanda Ikola

⁴⁰ Kumbi ki diia mù tula, oso ala ni jihaxi jâ, né uhaxi uahi uoso-uoso, a mu bhekela-ju; o muène kia a tula o maku mê, ene oso-lolo eluka.

Luka 4:40 ပူးပေါင်းရင်းမြစ်များ

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 14:13

Kienhókio Jezú kia kʼivu, u katuka mu ixi ioio, u endela mu bote, anga uia ku matutu, ku kididi kia ubheka. Kifuẋi-phe kia kʼivu, a mu kaiela bhoxi, a tundu mu jimbonge joso.

Marku 3:10

Kuma ua sakula mundu uavulu, kia bhangesa athu ku mu phopheka, mukonda oso ala ni mabhebhu a-lu sota ku mu kuata.

Marku 5:23

Anga u mu dionda kiavulu, uixi: Kamona kami, ka muhatu, ua kumbama! Ize, u Ngana, u mu tule maku mê ku thandu, mbe u mu sake, a bhuluke!

Marku 6:5

Muene mueneʼomo mu Nazalé ka tenene dingi kubhanga-mu kisumua; kima ngo kia bhange, ua tula maku mê ku thanduʼa jihaxi jimoxi-moxi-mu, iu ua ji sake.

Jipoxolo 19:12

Katé se jihaxi a ji bhekela malesu, mba jiponda, ja tundu ku mukutu uê, o haxi nʼa ji babata, o kukata kubhua, o nzumbi jaiibha ji tunda.

Jipoxolo 5:15

Mukonda dia isuma ni madiuanu a bhanga jinga o Jixpoxolo, kia bhangesa katé mundu ambatele jihaxi bhu kanga mu jiluua, a zeka bhu jihama ni bhu mianza, bhu maxisa, phala ki bhita Phetele, imoxi o kizuzumbia kiê ngó ki a tula.