Luka 4:35 - O Mikanda Ikola

³⁵ Jezú anga u mu kidika, uixi: Di xibhe! Muthu iú, tunda mu mukutu uê! Dimonho anga di mu vunda hanji bhoxi bhuʼ axaxe-kâ, anga di tunda mu mukutu uê, sé ngó ku mu kuama.

Luka 4:35 ပူးပေါင်းရင်းမြစ်များ

Jisálamu 50:16

Maji oso-phe a bhukumuka, Nzambi u ambela, uixi: Eie ihi ki ku bhangesa kutanga o ijila iami? O kikutu kiami kia ku kalela-hi ngó mu kanu?

Zakadiia 3:2

Maji o Ngana anga uambela Satana, uixi; Jihova a ku bazele, eie Satana; kiene muene, O Jihova, ua solo Jeluzaleme, a ku bazele. Ki muenhú kixinji kia túbhia kiʼo katule bhu jiku?

Matesu 17:18

Jezú anga u bazela o dimónho, dimónho anga di tunda mu mukutu uê. Mona anga u disanza tunde mu kumbi dienhódio.

Matesu 8:26

Muène-phe ua ambela, uixi: Mualela-hi ni uôma, enu mua tolo o kuxikana? Anga u fundumuka, u bazela o kitembu ni menha ma kizanga; kuma anga ku tululuka, ku di xibha kiambote.

Marku 1:26

O nzumbi iaxidi anga i mu vunda bhoxi, i mu sanhesa, anga i di kola ni dízui dia suina, he i tunda mu mukutu ue.

Marku 4:39

Muene anga u tona, u kidika o kitembu, he u ambela o menha, uixi: Batamenu mu dixibhe! Kitembu anga ki batama, kuma ku kala kutululuka kua nzungule.

Marku 9:26

O ki ia zubha ku di kola, ni ku mu sanhesa kiavulu, ia tundu. O monʼa diiala anga uila kala uafu; kate athu avulu ambele, exi: Uafu.

Luka 11:22

Se kuiza-phe kindanda kia mukuá kia mu tundu ku nguzu, anga u mu tolola, hé u mu tambula uta uê ua dielela, u mu bhûnda imbamba ioso ia kexi na-iu hé u i uanauana.

Luka 4:23

Jezú anga ua ambela, uixi: Kidi kiene, enu mua-ndu ngʼamba o Sabhu iíi: Kimbanda, di sake eie-muène! Muanda kuzuela ue, muexi: Ima ioso i tua ku ivu ni ku i bhanga mu Kafanau, bhanga-iu ue bhabha bhu bhata bhu ua kudila.

Luka 4:39

Muene anga uia u mu imanena bhu mbandu iê, hé u bazela o febele, o iene anga i mueha. Muhatu anga u balumuka kithangana kienhókio, u kala mu ku a bhangela kúdia.

Luka 4:41

Athu avulu, madimonho ma tunda mu mikutu iâ ni ku di kola, exi: Eie Ngana, u Monʼa Nzambi! Muène-phe u kala mu ku a bazela, ka ehela kuzuela, mukonda ene a mu ijiia kuma muène Kristu.

Luka 8:24

Maxibulu anga eza bhua zeka muène, hé a mu tonesa, exi: Mesene, mesene! Tu fua! Muène anga u tona, u bazela o mulenge, ni njinda ia menha, anga ma batama. Anga ku kala kutululuka kuavulu.

Luka 9:39

Nzumbi iaiibha-phe iene ku mu kuata, anga u di kola kithangana kienhókio; bhenhobho-phe i mu vunda bhoxi, hé i mu tungutisa sunhe-sunhe, katé kia tunda kifulu mu kanu. O ki ia-nda ku mu eha, u xala ua iokojoka.

Luka 9:42

Mona kioso-phe ki ala mù kuiza, uhaxi uê ueza, dimonho hé di mu vunda bhoxi, di mu suna-suna kiavulu. Jezú anga u bazela o dimonho, uilula o mona, hé u mu bhana kua tatʼâ.

Dijingunuinu 12:12

Kala kiki, ku madiulu-phe tanenu-ku, ni enu oso mua tunga momo! Lamba dienu mu ngongo ni ku musanza! Mukonda Diabhu ua mi tulukila ni njinda iavulu, kuma muène uejiia kuila o thembu iê ia butu kia.