Luka 4:34 - O Mikanda Ikola

³⁴ Aiuê! Etu tua kuata-hi ni eie, Jezú dia Nazalé? Kífua ueza ku tu muanga? Eme nga kuijiia kiambote, u muthu ukôla, a ku tumikisa kuala Nzambi!

Luka 4:34 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

I Jisobha 17:18

Bhenhobho muhatu uambela Elija, uixi: Kima kiahi ki nga ku bhange eie u muthu ua Nzambi, tata? Kiene ki uejiia ko kuami, mbé o ku ngʼidikiza kituxi kiami ki nga jimbile, ni ku ngi jibhila monʼami, kuambe?

Jisálamu 16:10

Kuma eie ku xikina kuehela muenhu uami kuʼalunga; muthu ué ua mu solo kà kala mu sekumuka.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Matesu 8:29

Talesa-phe, ene a di kola, exi: Eie tua kukala nʼ ihi, u Monʼ a Nzambi? Kífua ueza kunu mu ku tu talesa hadi, o thembu kiluua ngó i bhiẋila?

Marku 1:24

Etu tua kuata-hi ni eie Ngana, u Jezú dia Nzalae? Kífua eie ueza ku tu muanga? Eme nga ku ijiia muene kiambote! Eie u Muthu Ukola a ku tumikisa kuala Nzambi.

Marku 1:34

Muene anga u saka avulu a kate mahaxi moso-moso, u tundisa madimonho mavulu. O madimonho-phe Jezú ka ehela kuzuela, mukonda a mu ijiia.

Marku 5:7

anga u di kola ni dízui dia suina, uixi: Eme nga kuata-hi ni eie, u Jezú, u Monʼa Nzambi, ua suka ku ukota? Nga ku bhingi mu dijina dia Nzambi, kana ku ngi talesa hadi.

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Luka 4:33

Mu dilombe anga mu kala muthu mu mukutu uê mua bokona dimonho diaiibha. Anga u kuata ku di kola, uixi:

Luka 4:41

Athu avulu, madimonho ma tunda mu mikutu iâ ni ku di kola, exi: Eie Ngana, u Monʼa Nzambi! Muène-phe u kala mu ku a bazela, ka ehela kuzuela, mukonda ene a mu ijiia kuma muène Kristu.

Luka 8:28

O kia mono Jezú, ua te nzongo, anga u fukama bhu pholo iê, u di kola ni dízui dia suina, uixi: Ihi i nga kuata ni eie, Jezú, Monʼa Nzambi ua Suka ku Ukota? Nga ku diondo, kana ku ngi zukutisa!

Luka 8:37

Akua ʼxi iosuʼoio ia Ngandala anga a bhinga Jezú kutunda bhu mbadu jâ, kuma uôma uavulu ua a kuata. Jezú bhenhobho anga u di longa mu bote, u vutuka.

Jipoxolo 16:39

Anga eza, a a dionda, hé a a katula mu ʼaleia. O kia zubha ku a katula-mu, a a bhinga kutunda mu mbonge.

Jipoxolo 2:27

mukonda ku xikina kuxalesa muenhu uami mu ʼalunga, monʼ é angene ku mu ehela kusekumuka.

Jipoxolo 3:14

Enu-phe, Muthu ió Uaiuka, Ukôla, mua mu ditunine! Mua solo a mi jituina kijibha-nganga!

Jipoxolo 4:27

Kuma ni kidi muene, mu mbongeʼ umu o Selevende ié ukôla, Jezú, ua mʼ undu ni maji phala kukala Kristu, ni Helode ni Pônsio Pilatu, ni akua matumbu, ni mundu ua Izalaiele, a mu balukila.

Jihebeleu 2:14

O ana-phe, kala kia exana muène, a kala athu a nomona ku xitu ni manhinga. Uila kiki, Jezú muène ua di bhange kala ene, mu kutambula o kidifuanganu kia muthu, phala mu kubhita ni kalunga a tene kutolola ió uoso ua kuata o nguzu ia kalunga, muène Diabhu.

Tiiaku 2:19

Eie ua xikana kuila sai-ku ngó Nzambi imoxi? Kia uabha! Ni madimonho ue a ki xikana, a teketa ni uôma.

I Nzuá 3:8

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.

Dijingunuinu 20:2

Anga u kuata mudikixi, na kinhoka kiòkulu-ô, muène Diabhu, mba Satana, anga u mu kuta phala a bhange midi ia muvu bhu lubhambu.

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki: