Luka 4:28 - O Mikanda Ikola

²⁸ Ene oso mu dilombe ki evu kuzuela kiki, a kala ni njinda iavulu.

Luka 4:28 ပူးပေါင်းရင်းမြစ်များ

II Malunda 16:10

Maji Aza u thathamena mumoni anga u mu ta bhu ditolongo mu dikuikilu; mukonda kienʼiki kia mu thathamesa kiavulu muene; Aza ue mu izuua mueneʼomo uandeka kiá kutatesa amoxi-moxi-mu ku kifuẋi.

Jelemiia 38:6

Bheneʼobho, Jelemiia a mu kuata, a mu takuila mu kiboiongo kia Malkiia, monʼa sobha, kia kexile mu lumbu lua kilangidilu; Jelemiia hé a mu zezesa ni mikolo; maji mu kiboiongo ki mua kexile menha, inda maloua ngó; Jelemiia hé u kuzuka mu malôua.

Matesu 2:16

Kiki Helode, kia mono kuila jinganga ja mu tobhesa, njinda i mu vula kinéne, anga u katula, u tuma kujibhisa mu Beleme ni mabhata mê moso, o tuana tuoso tua mala tua kuata kiá mivu iiadi, ni ndenge jâ. Kífua ua fikisa mu thembu ia diangele kuibhudisa kiambote o jinganga.

Luka 4:27

Mu Izalaiele ue mua vudile jihaxi ja kikunzu mu izuua ia Elizeu; kana muthu-phe a mu sakele na-kiu, inda a mu sakele Naamane ngó dia mukua Sídia.

Luka 4:29

Anga a balumuka, a mu katula mu sanzala, hé aia-nê katé bhu nzendu ia dikenhe, kuma ene a tungu mu mulundu, a mesena a mu lundumuna bhobho.

Luka 6:11

Ene-phe ezala ni njinda, anga a kala mu ku di longesa kioso kia bhanga Jezú.

Jipoxolo 5:33

Adiakime-phe bhu Kionge, ki evu kiki, kia a talakanha. A thathamana kiavulu, anga a kala mu ku a kanena ku a jibha kiá.

Jipoxolo 7:54

Kienʼiki ene oso a tokala ku Kionge kia Jitata ki evu o makʼ ama, a saluka dingi kiavulu, hé a mu kokotela ku mazu.