Luka 4:22 - O Mikanda Ikola

²² Ene oso anga a kala mu ku mu tumbula kiambote, a diuana maka ma uabha ma-la kutunda ku dikanu diê, exi: Manhi ki muenhú monʼa Zuze?

Luka 4:22 ပူးပေါင်းရင်းမြစ်များ

Jisálamu 45:2

Eie kuuabha kué kuengi, kua anʼa mala mu ngongo ndenge; eie o kusangumuka kua ku tunga kiá ku mizumbu; Nzambi kiene kia ku tunguila ni dibesá di nangenena.

Jisálamu 45:4

Mondala, uende ni kijingo kié; iene ioso u soke na-iu mu kubhângela o kidi, ni kukuatekesa athu edi ni kulúnga ni kubelesela; lukuaku lué lua dilu lu ku longe kubhanga ima ia undanda.

Jisabhu 10:32

Mizumbu ia muthu ua iuka, iezala ni ima iambote; dikanu-phe dia isuéia, diezala phulu mu phulu.

Jisabhu 16:21

Muthu uoso uejidila ku muẋima, ió a muila uadimuka; o uzuela kiatouala, u zubhisa akuâ o kudilonga.

Jisabhu 25:11

Mukonda kima se u ki zuela bhu thembu iê ia tokala, kila kala jimasá ja ulu bhu mabandeja ma phalata.

Ndongixi 10:12

O njimu, ku maka a tunda mu dikanu diê, kuala kubhanduluka, maji o kiôua mizumbu iê iene i mu dia.

Mukumbi ua Mikumbi 5:16

O uzuelelu uê u touala, ni uene nzué! Amah! Kidi muene! Nanhi u kamba ku muʼinda, ua uabha kiki! Kienʼiki kiala kazola kami, kienʼiki kia kala muadi uami, tata! enu anʼa ilumba mu Jeluzaleme!

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Luka 2:47

Oso bhenhobho, ala ku muívua, a mu diuana kiavulu o kuijiia kuê, ni ki ala mù kumbulula adiakime.

Luka 2:48

O kia mu mono, adiʼê a diuana! Manhʼâ anga u mu ambela, uixi: Mona, tata, ua tu bhangela-hi kiki? Talesa, ni tatʼenu ni eme, tua kexi ku ku sota ni mukondo!

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Luka 4:21

Muène anga u kuata ku ambela, uixi: Lelu kia bhiti, ki muevu kiòsoneke mu makʼama.

Nzuá 1:45

Felipe anga u sota Natanaiele, u mu ambela, uixi: Etu tua sange muthu ió a mu soneka kua Mozé mu divulu dia Kitumu, iá a mu tange ue mu Mikanda ia jipolofeta. Muène Jezú, mukua Nazalé, monʼ a Zuze.

Nzuá 6:42

Exi: Muenhú ki muène Jezú, monʼ a Zuze? Etu tua mu ijiia ni tatʼâ ni mamʼâ. Muène ua-lu kuila kiebhi, kuma: Eme nga tuluka mu diulu?

Nzuá 7:46

Masoladi exi: Kiluua kukala muthu u zuela kala ió.

Jipoxolo 6:10

Maji o Nzumbi ia Nzambi-phe unjimu uahi ngó ua bhana kua Xitevá! Mu kuzuela ene oso ua a tolola, o kuejilʼuku, kana dingi muthu ua tena ku mu vutuila.

Tito 2:8

Maka mé, ma kale ma mbote, ka tena ku mʼêla, phala ió uoso u-lua phata, sonhi ji mu kuate, kuma ka tu mono ni kima kioso ki a tena ku tu âmba.