Luka 4:18 - O Mikanda Ikola

¹⁸ Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Luka 4:18 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

II Malunda 34:27

Kuma o muẋima ué eie ua teketa, eie ua tolokela Nzambi, kioso ki uevu o maka ma tange kubhanga o kididi kiki, ni ió oso a tungu-bhu, eie ua toloka bhu pholo iami, eie ua tandula o izuatu ié, eie ua ngi didila, eme ue nga kuivu, kienhiki kiene kiambe Jihova.

Jisálamu 102:20

phala evue o mikemu ia ió a a kuika; mbé o kujituna oso a xikamena ku a jibha.

Jisálamu 147:3

Akexe ni kikote kia muẋima u a saka, hé u a tumba o italákanha ia malamba mâ.

Jisálamu 2:2

Jisobha mu ngongo ja di bhongolola, makota ma di longesa jindunge, phala ku kitukila Jihova, ni muthu uê ua mu undu ni maji.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 34:18

Jihova ua zukama kua iá a toloka miẋima, u bhulula oso a talamana mu nzumbi.

Jisálamu 45:7

Eie u inda ioso i iukila mu kidi, o kudiodia milonga ku xikina; o Nzambi, Nzambi ié, kiene kia ku undila ni maji; maji a kusanguluka, phala u tunde akuenu ene oso.

Jisálamu 51:17

Sata ia mesena Nzambi, nzumbi iatoloka; muẋima uatoloka, uadiela muene, eie Nzambi ku dituna-u.

Izaía 32:3

O mesu a iá, oso a mona, ka kà tala kudima, o mátui a iá oso evua, a kʼevidila muene.

Izaía 35:5

Bhenhobho-phe o mesu a ifofo a kà jikuka, ni mátui a maxilu a kà xitunuka.

Izaía 42:7

Phala u tonese o mesu a ifofo, ni ku jituna oso a a kuika, ni ku katula muʼaleia oso-a xikama mu kitombe.

Izaía 45:13

Silu eme nga mu balumuna phala ku kalakala-nê ima ia fuamena mu uiukilu, njila jê joso nga kà ji iukisa; muuene ua kà tunga mbanza iami, ua kà jituna jihutile jami, sé futu, sé mibhaku, kiene kia tange Jihova dia ifuẋi.

Izaía 49:9

Phala uambele iá a a kutu, uixi: Jitukenu; oso ene mua vundu uixi: Tukulukenu mu jinjila ja kuenda; a kala ni huta ia ku di-dikila; o mu ididi ioso ia matala, aia ni kusanga-mu sabhèlela ia kúdia kuâ.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 59:21

Kienhiki, kiene kikutu kiami eme ki ngi ta-nâ, eme ngi Jihova: O Nzumbi iami ia ku tula ku thandu, ni maka mami, u nga-te mu kanu dié, ka kà tunda-mu né mu kanu dia mbutu ié, né mu kanu dia mbutu ia mbutu ié, a xalela muene tundé kiki katé ku hádia ni hádia, kiene kia tange Jihova.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Sofoniia 3:12

Nga ka xisa muʼaxaxi kê ió oso a di tululula, ka moneka izala mba ukumbu, o jingadiama; ene a kà kala jinga thembu joso mu dielela o dijina dia Jihova.

Zakadiia 11:11

Kikutu nga ki sendumuna muene ku kizuua kieneʼokio; o akuetu tumbudi tua subhuka-ku, a ngi dielelele, anga a kijiia kuila kiki kizuelu kia Jihova muene.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 12:18

Talesa selevende iami nga mu solo; mukua henda iami ua ngi uabhela muẋima; ngi ta Nzumbi iami ku thandu diê, a kà bheke kufundisa kua kidi ku matumbu.

Matesu 12:20

Dithethele dióxine muène ka di tolola, muanga u xongota kà u jima, katé kià tubhula kufundisa kua kidi, nʼa lende kíkoue.

Matesu 4:16

Athu a xikamene mu kitombe a mono mukengeji uonéne! A xikamene kididi kia kizenji kia kalunga, kuaki mukengeji uâ!

Matesu 5:3

A zediua jingadiama ja muẋima, mukonda o Utuminu ua Diulu uâ ene.

Luka 4:17

Anga a mu tambuisa o divulu dia polofeta Izáia. Muène anga u jikula o divulu, u sanga kididi kiosoneke kiki:

Luka 6:20

Jezú anga u bhetula mesu kuala o jixibulu jê, hé ua ambela, uixi: Mua zediua, enu mu jingadiama, mukonda o Utuminu ua Nzambi uà kala uenu.

Luka 7:22

Anga u vutuila iá, uixi: Ndenu, kà tangedienu Nzuá, ima i mua mono, i muevu; ifôfo íi mona, inema íi ienda, akua-kikunzu ia a disanza, mixilu íi ívua, afuile ia a fukunuka, jingadiama ia évua o Njimbu Iambote.

Nzuá 1:41

Muène anga u sota hanji phangʼiê Ximá, u mu ambela, uixi: Etu tua sange Mesiia, (Mu ku di lombolola, uedi tua sange Kristu).

Nzuá 12:46

Eme ngeza kuma ngi mukengeji mu ngongo, phala uoso u ngi xikana, ka kale dingi mua vundu.

Nzuá 3:34

Uoso a mu tumu kuala Nzambi, u zuela maka ma Nzambi, kuma muène kia mu bhe o Nzumbi, Nzambi ka mu bhana Nzumbi ni ku i zonga.

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Jipoxolo 4:26

Jisobha mu ngongo jemana, atumini a ifuẋi a di kase, phala kubhanga ni Ngana, ni Kristu iê.

Jipoxolo 4:27

Kuma ni kidi muene, mu mbongeʼ umu o Selevende ié ukôla, Jezú, ua mʼ undu ni maji phala kukala Kristu, ni Helode ni Pônsio Pilatu, ni akua matumbu, ni mundu ua Izalaiele, a mu balukila.

Kolose 1:13

Muene ua tu kula mu ubhika ua usuku, iú ua tu bheka mu Utuminu ua Monʼ ê ua kazola.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.