Luka 3:9 - O Mikanda Ikola

⁹ O kisèsu ue, kia kukoka na-kiu, kiòte kiá bhu jindanji ja mixi. Muxi uoso u kamba kuima ibundu iambote, a u koka, hé a u ta mu túbhia.

Luka 3:9 ပူးပေါင်းရင်းမြစ်များ

Izekiiele 31:18

O ku miẋi ia Edene, nanhi-phe ua di fu-nê ku matunda ni kijingo? Sumbale kiene, maji-phe ua-nda kuselumuka kumoxi ni miẋi ia Edene mu ixi ia beta o kuboloka; ua-nda kuila suualá mu kaxi ka akua mabôlo kumoxi ni iá a a kubujula ni xibhata; muenhú-phe muene Falaó ni mundu uê uoso, Ngana Nzambi ua ki zuela.

Daniiele 4:14

U kuata ku dikola ni nguzu ioso, uixi: Muẋiʼú batulenu-u, solalenu-u o jithangu jê, o mafe mê mu ma lalumuna-ku, ibundu iê muangenenu-iu mu kanga; o iama ioso iene kubutama bhu kixina kiê, kaienu-iu, kumoxi ni jinjila jene mu jithangu jê.

Daniiele 4:23

O ki ua monuʼokio-phe sobha, kuila mulangi, muthu uangene ukôla, ua-lu tuluka mu diulu, uixi: Muẋiʼú batulenu-u, mu u kokojole jithangu, maji o kixinji kiê ni jindanji jê ki xiale ku mavu, mu ki kuikile ku isasa ia mukáú bhu lubhambu lua felu ni ngôndo; kiende ni kusumina mbundu i tunda bhulu ku diulu, o dikanda dia kúdia kuê, iangu ia mvunde ia bhoxi kumoxi ni iama ku mukáu, nda a kale kienhiki katé mu sambuadi dia jithembu.

Matesu 3:10

Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Matesu 7:19

Muẋi uoso u kamba kuima ibundu iambote, a u kokela bhoxi, hé a u texi mu túbhia.

Luka 13:6

Anga Jezú u ta kifikʼiki: Sai muthu u kala ni muxi ua jifiku uòphaphe mu dibhia diê. Anga uiza mú sota-ku jifiku, maji ka ji mono.

Luka 13:7

Anga uambela o kidimakaji kiê, uixi: Tala, mivu itatu kiá i ngene mu kuiza mu sota ibundu ku mufiku iú, maji ki nga i mono. Koka-u bhoxi! Ua xitila-hi ngó o kididi, se o uene ki ua mu kuima ibundu?

Luka 13:9

Ku muvu uiza-mu, ki tu mona ua bhana ibundu, kia uabha. O ki u kamba-phe kubhana, kiene eie ngana, ki u tuma ku u kokela bhoxi.

Nzuá 15:6

Se muthu u kamba kuxala mo muami, a mu texi kala thangu, hé u kukuta. Anga u di fangana thangu ja kukuta, a ji bhongolola, a ji ta mu túbhia, hé ji bhia.

Jihebeleu 10:28

Uoso u xibhaka o Kitumu kia Mozé, a mu jibha sé ngó kulenduka, mu kizuelu kia mbangi jiiadi mba jitatu.

Jihebeleu 12:29

Kuma kidi muene, Nzambi ietu tubhia tua uama, tu buikisa.