Luka 3:20 - O Mikanda Ikola

²⁰ Helode ku ikuma iê ioso ua bandekeza-ku dingi kia mukuá kia ku ta Nzuá mu ʼaleia.

Luka 3:20 ပူးပေါင်းရင်းမြစ်များ

II Jisobha 21:16

O kia di-te-ku dingi o Manasa ue ua zunza manhinga a vulu a athu a bene katé Jeluzaleme kia mu izalesa ngó ni manhinga tundé kua tundu katé kua suku; katu-ku hanji o kituxi kiê kia bhangesa na-kiu Juda o ku-ta kituxi ni kubhanga ima ki ia fuama bhu mesu ma Jihova.

II Jisobha 24:4

Kumoxi ue ni manhinga a athu a iuka muene a ẋamuna, o mbanza ia Jeluzaleme iú ua i-zalesa ni Kihaxi kia athu a bene; ki kia bhangesa kuila o Ngana ue nguaiʼé kuloloka.

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Nehemiia 9:26

Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Matesu 4:12

Kiki Jezú kia kʼivu kuila Nzuá a mu te mu ʼaleia, u katuka, anga uia ku Ngalileia.

Nzuá 3:24

(Mukonda Nzuá kiluua a mu ta muʼaleia).

Dijingunuinu 16:6

Kuma ene a lundulula jinga manhinga ma akua-Ngana ni ma jipolofeta, eie-phe ue ua a bhana manhinga phala kùnua. Mukonda a-lu tambula kioso kia a fuama!