Luka 3:16 - O Mikanda Ikola

¹⁶ Nzuá hé u a vutuila osomuene, uixi: eme nga mi batizala ni menha, maji kù kuiza muthu ua ngi tundu, eme ki nga fuama ku mu jituina ngó o ngoji ia haii iê. Muène u mi batizala ni Nzumbi Ikôla ni túbhia.

Luka 3:16 ပူးပေါင်းရင်းမြစ်များ

Jisabhu 1:23

O ki nga mi bazelʼiki, lungulukenu kiá; talesa, ngi lundulula o Nzumbi iami ku thandu dienu, anga ngi mi ijidisa o maka mami.

Izaía 32:15

katé o Nzumbi i tunda bhulu kia kà di-lundulula ku thandu dietu; mu kizuuʼokio, oxi ia kisèkele ia-nda kubiluka mavu a idima, o mukáu uene mu kubhana o idima a kà u kita ditutu.

Izaía 4:4

kioso o Jihova kia kà sukula ufusa uoso ua ana-ilumba mu Ziione, anga uzelesa Jeluzaleme ku kikuma kia manhinga muʼaxaxi kê ni nzumbi ia kuiuka ni nzumbi ia huii.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Nzuá 1:26

Nzuá ua a vutila, uixi: Eme nga batizala ni menha. Maji mu ʼaxaxe kenu-phe muemana muthu, enu ki mu mu ijiia.

Nzuá 1:27

Muène uala mù kuiza ku dima diami, maji eme ki nga fuama ku mu jituina ngó o lungoji lua haii iê.

Nzuá 1:33

Eme-mùene ue ki ngi mu ijidile, maji o Nzambi, uoso-phe ua ngi tumu kubatizala ni menha, muène ua ngʼ ambela, uixi: Uoso uà mu mona, Nzumbi i tuluka mu diulu, anga i mu tula ku thandu diê, muène u batizala ni Nzumbi Ikôla.

Nzuá 7:38

Uoso u ngi xikana eme, kala ki ambe o madivulu ma Kôla, Jingiji ja menha ma muenhu ja kà mu tunda mu thulu iê.

Jipoxolo 1:5

Kuma Nzuá ua mi batizala ni menha, maji enu-phe anda ku mi batizala ni Nzumbi Ikôla, mu izuua muenhumu.

Jipoxolo 10:44

Kioso Phetele ki ala hanji mu zuela kiki, Nzumbi Ikôla u tuluka ku thandu dia oso a kexi mu kuivua o maka.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

I Kolindo 12:13

Kuma ku Nzumbi imoxi etu oso a tu batizala mu mukutu umoxi, kixi tu Jijudé, kixi ki tu Jijudé, kixi tu abhika, kixi tu jifôlo. Etu oso a tu nuisa ku Nzumbi imoxi.