Luka 3:13 - O Mikanda Ikola

¹³ Muène ua ambela, uixi: Ki mu bhûnde. Inda mu tambula ngó kioso kia mi xindi mu Kitumu.

Luka 3:13 ပူးပေါင်းရင်းမြစ်များ

Jisálamu 18:23

Ka ngi mono ue ni miẋima iiadi bhu pholo iê, nga di lange muene phala ki ngi te kituxi.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Matesu 7:12

Kala kiki, ima ioso-phe i mua mesena kuila athu a mi bhanga-iu enu, iene ue muene i mua bhanga ene; mbata kiene kia jimbulula o Kitumu kia Mozé ni milongi ioso ia jipolofeta.

Luka 19:8

Bhenhobho Zakeu anga uimana bhu pholo ia Ngana, u mu ambela, uixi: Ngana, kaxaxe ka jimbongo jami, ngi ka bhana jingadiama. Se bhuala muthu nga mu-di mangonha, mu kubhana o lubhaku, ngi mu fute-kiu mu luuana.

Luka 3:12

Anga kuiza ue akua kutambula o lubhaku, phala ku a batizala. Ene a mu ambela, exi: Mesene, etu tu bhanga kiebhi?

Luka 3:14

Masoladi anga a mu ibhudisa ue, exi: Etu uetu, tu bhanga kiebhi? Muène uixi: Ki mu bhange kusuina; ki mu die mangonha mu kutambula kitadi kia muthu uoso-uoso ni ku mu tatela. Kitadi kienu kiene ku mi futa, ki mi soke.

I Kolindo 6:10

Ni mii, ni akua luimbi, ni jihôlua, ni axingi a jindaka, ni ingulungumba, ene oso kà tena kubhingana mu Utuminu ua Nzambi.

Efezo 4:28

Uoso ua nhanéne, ka nhane dingi; inda a mateke kukalakala, mbé a kale ni muenhu uambote ua ujitu, nʼ a tene kukuatekesa mukuâ uoso ua bhindama.

Jihebeleu 12:1

Mukonda dia kiki, etu a tu bhake bhu ʼaxaxe kuala kifuẋi kionéne kia jimbangi javulu. Tu tudienu ioso i tu lalamesa, ni kituxi kioso kia tu naminina, tu lengienu ni kukolokota o dikanga dioso dia tu kala ku pholo.