Luka 24:48 - O Mikanda Ikola

⁴⁸ Enu-phe mu jimbangi ja ima ienhiʼii.

Luka 24:48 ပူးပေါင်းရင်းမြစ်များ

Nzuá 15:27

Enu uenu mua-ndu zuela ima ia ngi tokala eme, kuma mu jimbangi jami, mukonda mua kexi kumoxi ni eme, tunde ku dimatekenu.

Jipoxolo 1:22

tunde bhu batizu ia Nzuá, katé bhu kizuua kia tu tambulanê ku diulu, kua bhingi tu sola-ku muthu, tu kale-nê mbangi ia kufukunuka kuê.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 10:39

Etu tuala tu jimbangi ja ima ioso Muene ia bhangele ni mʼ oxi ia Jijudé ni mu Jeluzaleme. Ene-phe a mu jibha, ni ku mu nhenga ku dikulusu.

Jipoxolo 10:41

Muène ka mu tukuluila bhu pholo ia mundu uoso, maji bhu pholo ietu ngó tu jimbangi ja sola Nzambi. Etu-ene, tua di-nê, tua nu-nê kumoxi, kia zubha kuvutuka ku ʼalunga.

Jipoxolo 13:31

Muène anga u tukulukila mu izuua iavulu kua ió oso a tundile-nê ku Ngalileia, hé eza-nê mu Jeluzaleme. Kiki ene ala jimbangi ja Jezú bhu pholo ia mundu ua Izalaiele.

Jipoxolo 2:32

Jezú muenʼ iú, Nzambi ua mu fukununa, etu oso tu jimbangi jê.

Jipoxolo 22:15

Kuma eie uà kala u mbangi iê ku athu oso, ia ima ioso i ua mono, i uevu.

Jipoxolo 3:15

Monʼ a ngana ua bhanga o muenhu mua mu jibhenunu. Maji Nzambi-phe ua mu fukununa ku ʼalunga, o jimbangi jê etʼuene.

Jipoxolo 4:33

Jipoxolo anga a bhana ni kutena kuavulu umbangi uâ ua kufukunuka kua Ngana Jezú. Anga kukala kiadi kiavulu kia Nzambi ku thandu dia ene oso.

Jipoxolo 5:32

Etu tuala tu jimbangi ja makʼ ama, ni Nzumbi Ikôla ue, ió a mu bhana kuala Nzambi kua ió oso a mu tumaka.

I Phetele 5:1

Kiki-phe adikime mudienu nga a longesa, ngi muadikime ua Ngeleja ni mukuâ. Kuma ngi mbangi ia jiphaxi ja Kristu, ngi muthu nga tokala ue mu fuma ia kà tukuluka.