Luka 24:44 - O Mikanda Ikola

⁴⁴ Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Luka 24:44 ပူးပေါင်းရင်းမြစ်များ

Dimatekenu 14:18

Melekizedeke, sobha ia Saleme, anga u tunda ni mbolo ni vinhu; muene ua kexi nganga ia Nzambi Suke-ku.

Dimatekenu 22:18

ku mbutu ié kuene kua kà zediuila ifuẋi ioso mu ngongo; mukonda ua tumaka dízui diami.

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

Jisálamu 118:22

O ditadi dia ditunu jimesene ja kutunga, dia di bhange diene o mútue ua kuatesa bhu thungi.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Izaía 52:13

Talesa, Selevende iami ua-nda ku kalakala ni unjimu; a-nda ku mu zangeleka anga u banda ditala dia kota dia kijingo.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 23:5

Jihova uixi: Talesenu, kua-nda kuiza izuua, Davidi nga kà mu balumuina Mbutu ia Iuka; kuma muene sobha, ua kà tumina hé u bhanduluka kiavulu, anga u bhanga ima ia tokala ubatuilu ua kidi ni uiukilu mu ngongo

Jelemiia 33:14

Tala, izuua í iza, eme ngi Jihova, ki nga-nda kutenesa kizuelu kia iuka ki nga zuela ku mbandu ia dibhata dia Izalaiele ni dibhata dia Juda.

Izekiiele 17:22

O Jihova Nzambi uambe kiki: Eme ue nga-nda kukatula ku dizoko-zoko dia musédulu anga ngi u phapha; ku ndômbo-ndômbo iê ia tundu akuâ kuene ku nga-nda kubatula o kindemvuna hé nga kà ki phapha ku mulundu ua dileka uedi kunzangalá.

Izekiiele 34:23

Anga nga kà jʼimikina mubidi umoxi ngó u kala ku thandu diâ, muene hé ua kà jʼinga; o mubhikʼami Davidi muene ua-nda kua kà jʼinga; muene ua-nda kukituka kafunga kâ.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 7:13

Talesa, eme-phe ki nga kuata muene kutala, mu isuma iami ia usuku, nga mono ku matuta ma diulu kua-lu tuluka kala Monʼa muthu ua mu kuiza; iú ua bhiẋi la kua Mukula-ua-Ndamba, anga a mu bhiẋidisa bhu pholo iê.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Zakadiia 14:4

Mu kizuuʼokio-phe, inama iê ia kà tula ku mulundu ua Midiva, ua lulama ni Jeluzaleme ku mbandu ia Mutundila-Kumbi; o mulundu ua Midiva a kà u jikula muʼaxaxe, mbandu iii kuthunda, o mbandu ia mukuá ku luiji; kienhókio bhua kà kala dikôlo dia dikota kinéne bhuʼaxaxe; anga mbandu ia muvimba ia mulundu ia kà uanunukina ku Suku o ia mukuá ku Sulu.

Zakadiia 6:12

Hé u mu tangela, uixi: Jihova dia Ilombo Ieta, mu kuzuela, uambe kiki: Talesa-ze, muthu iú ua bhingi kuila jina diê, Thangu Luobhe; muene ua kà sabhuka bhu kididi kiê, anga ua kà tunga o Tembulu ia Jihova.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Dialuilu 21:8

Jihova anga u ambela Mozé, uixi: Iudika ue nhoka ia túbhia, u i tudike ku muẋi; ki bhita-phe kuma uoso a mu numata, kia tala-ku, u bhuluka.

Dialuilu 35:25

kilômbo-phe, a tambule iú ua jibha, bhu maku a muzokediʼa manhinga, a mu bheke dingi mu mbonge ia kukondamena, muoso mua lengelele; a tunge muenhomo katé bhu ufuilu ua nganga ia dikota, a mu undile ni maji akôla a kuundila.

Matesu 1:22

Kiene kiosuʼiki kiabhiti, o maka ma Ngana ni matenene, ma tangele kua polofeta, uixi:

Matesu 16:21

Tunde bhu thembu ioio Jezú u kuata kuidikiza jixibulu jê kuma muène u bhinga kuia mu Jeluzaleme, kumona jiphaxi javulu ku adiakimi, ni ku jinganga ja makota ni asoneki, ni ku mu jibha, ni kufunuka mu kizuua kia katatu.

Matesu 26:54

Maka mòsoneke mu Madivulu-phe ma Ngana, meji kubhita kiebhi, mambe kuma kia bhingi kubhita kienhiki?

Matesu 26:56

Kiene kiosuʼiki-phe kia bhiti, phala kubhitisa o Maka mòsoneke mu Madivulu ma misèsedi. Bhenhobho jixibulu joso ji mu-xa, ji lenga.

Marku 9:31

Kuma u kala mu longa jixibulu je, uixi: Monʼa Muthu a-nda ku mu bhakula bhu maku ma athu, o ene a-nda ku mu jibha; o kia zubha ku mu jibha, kizuua kia katatu u fukunuka.

Luka 21:22

Kuma ioio iandu kala Izuua ia Kaxtiku. Mu izuʼomo muene mua-nda kubhitisa ima ioso iòsoneke mu Mikanda Ikôla.

Luka 22:37

Mukonda ngi mi ambela, kima kiosonekeʼ okio mu Mikanda Ikôla, kia bhingi ki bhita muene, kuma exi: Muène a mu bundu kumoxi ni ingumba. Eme-phe, ngi mi ambela kuma, ima ioso iíi ia bhingi ngi bhita na-iu, mbata iene ioso ia ngi tokala, iòsoneke, ia-nda ku di kumbidila.

Luka 24:46

Kiene kia soneka, kuma Kristu u tokala u bhita mu jiphaxi, hé u fukunuka ku ʼalunga mu kizuua kia katatu.

Luka 9:22

Uixi dingi: Monʼa Muthu ua bhingi u bhita ku jingongo javulu. A-nda ku mu tènda kuala adiakime a Jijude ni makota ma jinganga ni jimesene jene mu longa o Kitumu, ni a mu jibhe. Maji kutula mu kizuua kia katatu, ua kà fukunuka.

Luka 9:44

Kizuelu kiki ki mi bokone mu miẋima: Monʼa Muthu a-nda ku mu bhakula bhu maku ma athu.

Nzuá 3:14

Mukuâ ni kia zangula Mozé o nhoka ia ngòndo mu ixi ia isekele, anga u i nhenga ku muxi, ni Monʼ a Muthu kiene ue kia bhingi o ku mu zangula,

Nzuá 5:39

Enu muene mu kutanga mu madivulu ma Nzambi, mukonda mua fika kusanga muenhomo o muenhu ki uàbhua. O Madivulu enhó, jene-phe jimbangi jami jala ku ngi tanga eme.

Nzuá 5:46

Mbata se mua xikanene Mozé, mueju ngi xikana ue eme, mukonda muène o ioso ia soneka, ua ngi tumbula eme.

Jipoxolo 13:33

Kiki Nzambi ua ki kumbidila ko-kuetu etu tu anʼ â, mu kufukununa Jezú. Kiene kia ki sonekena mu Salamu ia kaiadi, exi: eie u Monʼ ami, lelu muene nga ku vuala.

Jipoxolo 13:40

Alukenu-phe, ki ki mi bhite kia soneka mu jipolofeta, exi:

Jipoxolo 2:27

mukonda ku xikina kuxalesa muenhu uami mu ʼalunga, monʼ é angene ku mu ehela kusekumuka.

Jipoxolo 3:18

Maji o Nzambi ima ioso-phe ia tanga mu kanu dia jipolofeta mʼ okulu, kuila o Kristu iê ua kà mona jiphaxi, muène ua i bhitisa kienʼiki.

Jipoxolo 7:37

Muene Mozé umoxiʼú u tangela anʼ a Izalaiele, uixi: Ngana hadia ua kà mi zangelekela mu ʼaxaxe ka jiphange jenu enu-enu, polofeta mukuâ ni eme.

Jihebeleu 10:1

O kitumu kia Jijudé ki ki tenena ni ufiiele ua ima ia kidi. Mukonda kizuzumbia ngó kia ima iambote ianda kuiza-ku. O jisata jenʼ iji ene ku ji bhana muvu ni muvu. Manhi o Kitumu kia jisata jiji ki tena kuzubhisa athu ku tenena, oso a bhixila kua Nzambi?

Jihebeleu 3:5

O Mozé kidi kiene, ua kexi fiiele mu kikalakalu kiê mu dibhata dioso dia Nzambi. Ua kexi-phe selevende ia kidi, hé u kala mbangi ia Nzambi ia ima ioso ia xedi-ku mu ku i zuela ku hádia.

Jihebeleu 7:1

O Melekizedeke muenʼiú, ua kexi sobha ia mbanza ia Saleme, nganga ia Nzambi ua suka ku ukota. U takana ni Mbalahamu kioso kia kexi kuvutuka ku ita ia jisobha, Melekizedeke anga u mu bhana dibesá.

Jihebeleu 9:8

Mu ku bhanga kiki, o Nzumbi Ikôla ua tu longo ni kutetuluka kuoso kuma o njila ia kubokona mu Kididi-Kikôla-Kinéne kiluua i jikuka, kioso o balaka ia kangʼoio hanji ialé kieniokio.

I Phetele 1:11

Ene a bhindamenene kuijiia mba thembuʼ oio i bhixila kithangana kuẋi, ni kuiza kuê mba kubhita kiebhi. O Nzumbi ia Kristu ia kexile moxi diâ, ia edikisa jinga o thembuʼiii, ki ia tuamene ku a ejidisa o jiphaxi janda kubhita na-ju Kristu, ni jimbote joso janda kukaiela-ku.

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.