Luka 24:39 - O Mikanda Ikola

³⁹ Talenu maku mami ni inama, kuma eme-muène, muene. Ngi babatienu, nda mu mone, phala mu xikane. Kuma o nzumbi ki i kala ni xitu ni ifuba, kala ki muala kumona eme ngala na-iu.

Luka 24:39 ပူးပေါင်းရင်းမြစ်များ

Ndongixi 12:7

O fufuta ni i vutukila ku mavu kala ki ia kexile, o nzumbi anga i vutukila kua Nzambi ua i bhele.

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Luka 23:46

Bhenhobho Jezú anga u di kola ni dízui dia suina, uixi: Tata, nzumbi iami nga i bhana bhu maku mé. Ki a zubha ku ki zuela, anga u batuka o muenhu.

Luka 24:38

Jezú anga ua ambela, uixi: Mukonda diahi, mua sasumuka? Mu kuatela-hi jiphata, mu miẋima ienu?

Luka 24:40

[Kia zuela kiki, ua edikiza o maku-mê ni inama.]

Nzuá 20:20

Kia zubha kuzuela kiki, ua edikiza maku-mê, ni mbanji iê. Jixibulu anga a sanguluka, kia mono Ngana.

Nzuá 20:25

Jixibulu ni akuá anga a mu tangela, exi: Etu, Ngana tua mu mono! Muène-phe, uixi: Se nga kambe kumona bhu maku-mê o itote ia jipheleku, anga ngi ta mulembu uami mu itote ia jipheleku, anga ngi ta lúkuaku luami bhu mbanji iê, eme ki ngi xikana!

Nzuá 20:27

Anga uambela Tomé, uixi: Tá mulembu ué bhabha, u ngi tale maku. Sunununa ue kunu o lúkuaku lué, u lu te bhu mbanji iami. Ku kale ni jiphata, inda u xikana.

Jipoxolo 1:3

Kuma kia zubhile kubhita ni phaxi ia kúfua kuê, Jezú ua di tukulula ni muenhu kua ene, ni ijidisu iavulu i zubha o jiphata, kuila uala muene ku muenhu. Kuma o Jipoxolo, Jezú ua a monekena jinga mu makuinhi auana a izuua, anga u kuata ku a zuelela o ima ia tokala ku Utuminu ua Nzambi.

I Tesalonika 5:23

O muène Nzambi, mukua ku tu bhana o paze, a mi zelese katé mua zubha; a mi bhake kivimba ni nzumbi ni muenhu, ni mukutu, sé dixaka, mba kuêla kua kima, katé bhua kà tukulukila Ngana ietu Jezú Kristu.

Jihebeleu 12:9

Ku mbandu ia jitata jetu mu xitu, ene a kexile mu tu beta, etu-phe anga tu kala mu ku a xila. Kala kiki-phe, kia tu tokala kutumaka, kiala kota o Tata ietu mu nzumbi, phala tu mone muenhu!

I Nzuá 1:1

Tua mi sonekena o kima kia kalé tunde ku dimatekenu dia mundu, o Diambu diene dia muenhu. Etu tua dʼivua, tua di mona ni mesu etuʼèlele muene. Ni kidi muene, etu tua di tongolola, tua di babata ni maku metu.